ახშანის კოშკი

ახშანის კოშკი მდებარეობს კახეთში, ახმეტის მუნიციპალიტეტის სოფელ ახშანის ჩრდილოეთით.

კოშკი განეკუთვნება XVIII საუკუნის II ნახევარს. კოშკი მდებარეობს ზაურ ფიცხელაურის ვენახებში.

კოშკი გეგმით წრიულია (დიამეტრი 7,4 მ), ნაშენია თანაბარი ზომის რიყის ქვითა და კირის დუღაბით. კარ-სარკმლების წყობაში გამოყენებულია კვადრატული აგური. ძლიერ დაზიანებულია. შემორჩენილია მხოლოდ პირველი სართული.

შესასვლელი ჩრდილოეთიდანაა. კარი თაღოვანია. შიგნით სამხრეთის მხარეს გეგმით ნახევარწრიული თაღოვანი ბუხარია. აღმოსავლეთით, დასავლეთით და სამხრეთით – მოზრდილი თაღოვანი ნიშნები. სართული ორი სარკმლით ნათდებოდა, რომლებსაც გადახურვა ჩამონგრეული აქვთ. სართული გადახურულია გუმბათოვანი კამარით.