ბათუმის თევზის ბაზარი

ბათუმის თევზის ბაზარი აჭარაში, ქალაქ ბათუმში მდებარეობს და ის უამრავ ზღვის პროდუქტების მოყვარულს იზიდავს. აქ დიდი მრავალფეროვნებაა, შეგიძლიათ შეიძინოთ მიდიები, კიბორჩხალები, სხვადასხვა სახეობის თევზი თუ სხვა მრავალნაირი ზღვის პროდუქტი და რაც მთავარია, ყველაფერი ახალი. შეძენილი პროდუქტი შეგიძლიათ იქვე გაასუფთავებინოთ და თუ მომზადება გეზარებათ ან არ იცით, იქვე მდებარე რომელიმე თევზის რესტორანში მოამზადებინოთ. უგემრიელესი თევზეულის დაგემოვნებასთან ერთად ზღვის შესანიშნავი ხედებითაც დატკბებით. ბათუმის თევზის ბაზარს ყოველდღიურად უამრავი ადგილობრივი თუ ტურისტი სტუმრობს. თუკი გურმანი ბრძანდებით, გარდა ბათუმის რესტორნებში საოცარი აჭარული ხაჭაპურისა თუ სხვა ტრადიციული კერძის დაგემოვნებისა, თევზის ბაზარსაც აუცილებლად უნდა ესტუმროთ.