ბერთას მამათა მონასტერი

ბერთას სამი მღვდელმთავრის სტავროპიგიალური მამათა მონასტერი მდებარეობს ქვემო ქართლში, წალკის მუნიციპალიტეტის სოფელ ბერთაში.

გადმოცემის თანახმად აქ ეკლესია ჯერ კიდევ VI-VII საუკუნეებში აუშენებიათ. XIX საუკუნეში ეკლესია აღდგენილ იქნა პონტოელი ბერძნების მიერ. ამჟამინდელი მართლმადიდებლური მონასტერი, საქართველოს პატრიარქის ილია II-ის ლოცვა კურთხევით 2004 წელს დაარსდა. მონასტერში ცხოვრობს 6 ბერი. მონასტრის დაარსებიდან 2013-წლამდე მონასტრის წინამძღოლი იყო არქიმანდრიტი დოროთე (ყურაშვილი), რომლის სახელსაც უკავშირდება, ამ მონასტრის აღორძინება, ხოლო ამჟამინდელი წინამძღვარია იღუმენი ნიკოლოზი (გვარლიანი).