Black Sea Arena - შავი ზღვის საკონცერტო დარბაზი

„ბლექ სი არენა“ Black Sea Arena - ყველაზე დიდი საკონცერტო დარბაზი და მულტიფუნქციური სივრცე საქართველოში, შავი ზღვის სანაპიროზე. მდებარეობს გურიაში, ოზურგეთის მუნიციპალიტეტში, კურორტ შეკვეთილში.

შავი ზღვის საკონცერტო დარბაზი „ბლექ სი არენა“ გაიხსნა 2016 წლის 31 ივლისს. იტევს 10 000-მდე მაყურებელს. საკონცერტო დარბაზის მიმდებარე ტერიტორიაზე, 7 ჰექტარ ტერტორიაზე გაშენებულია „მუსიკოსთა პარკი“.

„ბლექ სი არენა“ აღჭურვილია სპეციალური აპარატურითა და განათების სისტემებით, რომელიც გრანდიოზული შოუების ჩატარების საშუალებას იძლევა. დარბაზს აქვს მოძრავი სახურავი, რომელიც ამინდზეა მორგებული. საკონცერტო სივრცე სრულად ადაპტირებულია შეზღუდული შესაძლებლობის მქონე პირებისათვის.

დარბაზში სხვადასხვა დროს გაიმართა კრისტინა აგილერას, ელტონ ჯონის, ენიო მორიკონეს, Jessie J-ის, ნინო ქათამაძის, ქეთი მელუას და სხვა კონცერტები. Black Sea Arena 2020 წელს გაიმარჯვა საუკეთესო არქიტექტურის კატეგორიაში და დაჯილდოვდა გერმანული პრემია German Design Award-ით.