ბობნევის კევის ეკლესია (კევსაყდარი)

ბობნევის კევის ეკლესია (კევსაყდარი) მდებარეობს შიდა ქართლის მხარეში, გორის მუნიციპალიტეტში, ატენის ხეობის ბოშურის თემში, ცენტრალური გზიდან 20-30 მეტრში.

ეკლესის სავარაუდო აგების თარიღი უნდა იყოს IX-X საუკუნეებში.

ეკლესია დგას სოფლის განაპირას, აღმოსავლეთით. ეკლესია დარბაზულია (9,8X8), ნაგებია რიყის ქვით. კუთხეები, სარკმლის საპირეები, პილასტრები, სატრიუმფო თაღი, დასავლეთის შესასვლელის გარე თაღი შირიმის ქვისაა. ნაგებობა დაზიანებულია: ჩანგრეულია კამარა და კედლების ზედა ნაწილები. ეკლესიას ორი შესასვლელი აქვს. სამხრეთის სესასვლელი შიგნიდან თაღოვანია, გარედან გადახურულია მძლავრი არქიტრავით. დასავლეთის შესასვლელი შიგნიდან სწორკუთხოვანია, გარედან - თაღოვანი. ნახევარწრიული აფსიდის თაღოვანი სარკმლის ქვემოთ, კედელთან, მიდგმულია ქვით ნაწყობი სატრაპეზო. აფსიდის ორივე მხარეს, კედლის სისქეში, მოწყობილია მცირე ზომის სწორკუთხა სამკვეთლო და სადიაკვნე. ორივე სათავსის შესასვლელების თავზე ქვის ფილებით გადახურული თითო სწორკუთხა ნიშია. სადიაკვნეს აღმოსავლეთით მცირე სარკმელი აქვს . ეკლესიის დას. და სამხრ. კედლებშიც თითო სარკმელია (ძლიერ დაზიანებული). დარბაზის გრძივ კედლებზე ორი წყვილი პილასტრია. შნობას სამხრ. კედლის აღმოსავლეთ ნაწილში ეკვრის ძლიერ დაზიანებული მინაშენი, რომელსაც აღმოსავლეთით მცირე ზომის სარკმელი აქვს, დასავლეთით - შესასვლელი.