ბუალოს ეკლესია

ბუალო (ბოალოს) ეკლესია მდებარეობს ქვემო ქართლის მხარეში, ბოლნისის მუნიციპალიტეტის სოფელ დარბაზის ტერიტორიაზე.

ეკლესია თავისი სტილიდან გამომდინარე აგებული უნდა იყოს XIII-XIV საუკუნეების მიჯნაზე. ეკლესიაში შემორჩენილია ნალესობის და მხატვრობის კვალი, თუმცა ფრესკა იმდენად გადარეცხილი და პატარაა რომ ზედ გამოსახული წმინდანის აღქმა შეუძლებელია. მისი ქართული სახელი უცნობია, ძეგლთა დაცვას ის საკუთარ საიტებზე მოხსენიებული აქვს ბუალო ქილისა ან ბოალო ქილისად, ბოალო/ბუალოს მნიშვნელობა უცნობია, ქილისა კი ეკლესიას ნიშნავს.

ეკლესია ძლიერ დაზიანებული იყო, ის 2019 წელს "ფონდ ქართუს" დაფინანსებით აღადგინეს.