ბოლნისი - Bolnisi

ბოლნისი

11
ტურისტული ადგილი
817 Area
ფართობი, კმ2
55,284 Population
მოსახლეობა

ბოლნისის შესახებ


საუკეთესო პერიოდი: ყველა სეზონი

ბოლნისის მუიციპალიტეტი ქვემო ქართლის მხარეში მდებარეობს. მუნიციპალიტეტის ტერიტორიაზე ადამიანის ცხოვრების კვალი უძველესი დროიდან, ქვის ხანიდან იწყება, რასაც ამ პერიოდის ნამოსახლარებიც ადასტურებს. ერთ-ერთი კარგად ცნობილი და მნიშვნელოვანი ნამოსახლარია არუხლოს გორა, სადაც ალიზით ნაგები მრგვალი შენობები, ქვის ქანდაკებები, ჭურჭელი, ქვის იარაღები და სხვა არტეფაქტები გამოვლინდა. ბოლნისში ასევე გვხვდება ბრინჯაოს ხანის ყორღანები, მეგალითური ნაგებობების ნაშთები და ანტიკური პერიოდის სამაროვნები, რაც ცხადყოფს, რომ ეს მიდამოები ფაქტობრივად უწყვეტად იყო დასახლებული. თავად სახელწოდება ბოლნისი სიტყვა “ბოვისგან” წარმოდგება, რაც სულხან-საბას მიხედვით მადანს ნიშნავს - „ბოვი არს სადა ოქრო, ვერცხლი, სპილენძი და მისთანანი, ითხრების და გამოიდნობის“. დღევანდელი ბოლნისის მუნიციპალიტეტი ადრინდელ ფეოდალური ხანის ორ ადმინისტრაციულ-ტერიტორიულ ერთეულს, ბოლნისის ხევს და ქვეშის ხევს, მოიცავს. იგი ცალკე რაიონი 1930 წლიდან გახდა. ბოლნისი მნიშვნელოვანი პუნქტი იყო ფეოდალურ ხანაში, რაზეც აქ შემორჩენილი მრავალი ციხე-სიმაგრე თუ ეკლესია-მონასტრებიც მეტყველებს. ქვემო ქართლის რეგიონი და მათ შორის ბოლნისიც დიდ როლს ასრულებდა საქართველოს ისტორიაში. ისტორიული სოფლების სამტრედოს, ყორანთის და ველკეთილის მახლობლად 1818 წელს შვაბიიდან გადმოსახლებული გერმანელები ჩამოასახლეს, მათ მნიშვნელოვანი როლი ითამაშეს ბოლნისის ისტორიაში. გერმანულ კვარტალში გოთური და ქართული არქიტექტურის სინთეზის მქონე უნიკალური სახლების დათვალიერებაა შესაძლებელი. დღესდღეობით ბოლნისში ფუნქციონირებს თეატრი, მუზეუმი, ბიბლიოთეკები, ბოლნისიდან მაუწყებლობს ტელერადიო კომპანია MW. რაიონში განვითარებულია სოფლის მეურნეობა, წამყვანი დარგებია: მევენახეობა, მებოსტნეობა, მეცხოველეობა. მნიშვნელოვანი როლი აქვს წარმოებასაც, აღსანიშნავია მადნეულის სამთო-გამამდიდრებელი კომბინატი და ღვინის ქარხანა. მუნიციპალიტეტის ტერიტორიაზე გადის თბილისი-ერევნის მაგისტრალი. ბოლნისის რაიონი გამოირჩევა ბუნების სილამაზით და კულტურული ძეგლების სიმრავლით. უძველესი ტაძრები ციხე-სიმაგრეები, როგორიცაა: ბოლნისის სიონი, წუღრუღაშენი, ვანათი, ქვეშის ციხე და მრავალი სხვა, უამრავ ტურისტს იზიდავს. 


გეოგრაფია და კლიმატი

ბოლნისის მუნიციპალიტეტი ქვემო ქართლის მხარის ცენტრალურ ნაწილში მდებარეობს. მისი ადმინისტრაციული ცენტრია ქალაქი ბოლნისი. ბოლნისს აღმოსავლეთიდან მარნეულის მუნიციპალიტეტი ესაზღვრება, დასავლეთით - დმანისი, ჩრდილოეთით - თეთრიწყარო, სამხრეთით კი - სომხეთის რესპუბლიკა. მუნიციპალიტეტის ტერიტორიის უდიდესი ნაწილი ქვემო ქართლის ალუვიურ ვაკეს უჭირავს. რაიონის სამხრეთ ნაწილში ლოქის ქედის ჩრდილოეთ კალთა შემოდის. ჩრდილოეთით მდინარეების მაშავერასა და ხრამის შუამდინარეთში დისველის პლატო მდებარეობს, რომელიც ქვემო ქართლის პლატოს შემადგენელი ნაწილია და მისი სამხრეთი კიდე შინდლარის მასივითაა შემოსაზღვრული. მუნიციპალიტეტის დასავლეთ ნაწილში კი ჯავახეთის ზეგნის აღმოსავლეთ კალთა იჭრება. ბოლნისის რაიონი მდიდარია შიდა წყლებით. მუნიციპალიტეტის დიდი მდინარეებია ხრამი და მაშავერა. რაიონის ფარგლებში გვხვდება რამდენიმე ბუნებრივი და ხელოვნური ტბაც. ბოლნისში ფლორა და ფაუნა მრავალფეროვანია. ტერიტორიის ნახევარი ტყესა და ბუჩქნარს ჭირავს. აქაურ ტყეებში გავრცელებულია ქართული მუხა, ტირიფი, ჭალის მუხა, წნორი, ნეკერჩხალი და ა.შ. მუნიციპალიტეტში გვხვდება გარეული ღორი, მგელი, მელა, კვერნა, კურდღელი და სხვა. უხვადაა წარმოდგენილი ორნითოფლორაც. აქ ნახავთ კაჭკაჭს, გნოლს, ტყის ქათამს, კაკაბს და სხვა მრავალ ფრინველს.
ბოლნისის მუნიციპალიტეტში ორი ტიპის ჰავა გამოიყოფა: მშრალი სუბტროპიკული სტეპური ჰავა ზომიერად ცივი ზამთრით და ცხელი ზაფხულით და ზომიერად ნოტიო ჰავა, ზომიერად ცივი ზამთრით და ხანგრძლივი ზაფხულით. ვაკე ტერიტორიაზე საშუალო წლიური ტემპერატურაა 12 °C. მთისწინეთებზე ზამთრის საშუალო ტემპერატურა 3-5 °C-ა, ზაფხულისა კი - 23-28 °C.


რა ვნახოთ

ბოლნისის მუნიციპალიტეტი გამოირჩევა ლამაზი ბუნებითა და ისტორიულ-კულტურული ძეგლების სიმრავლით. ხეობები, ტყეები, აყვავებული მინდვრები და ვრცელი ხედები შესანიშნავია მოგზაურობისა და ბუნებაში განტვირთვის მოყვარულთათვის. ამ უძველესი ისტორიის მქონე რაონში მრავალი მნიშვნელოვანუ კულტურული ძეგლის მონახულებასაც შეძლებთ. უძველესი ნამოსახლარები, მეგალითურ ჩიხე-სიმაგრეთა ნაშთები, შუასაკუნეების ტაძრები და ციხე-კოშკები საინტერესო ამბებს გვიყვებიან საქართველოს ისტორიისა და კულტურის შესახებ. აღსანიშნავია ბოლნისის სიონი, რომლის წარწერებიც ქართული დამწერლობის უძველესი ნიმუშთაგანია, ჩუქურთმებით უხვად შემკული წუღრუღაშენი, ქვეშის ციხე, ბერდიკის ციხე, საიდანაც მშვენიერი ხედი იშლება, ვანათის ტაძარი და მრავალი სხვა. ბოლნისში ფუნქციონირებს მხარეთმცოდნეობის მუზეუმი, სადაც მდიდარი არქეოლოგიური მსალაა წარმოდგენილი. მუზეუმში დაცული ექსპონატები მოიცავენ პერიოდს ენეოლითური ხანიდან შუასაუკუნეების ჩათვლით. ბოლნისი საქართველოს ერთ-ერთი საინტერესო და მრავალფეროვანი რაიონია და ბევრი სალაშქრო და კულტურული მარშრუტის დაგეგმვა შეგიძლიათ.


კულტურული ძეგლები


ყველა ადგილის სანახავად დააჭირეთ აქ

მდებარეობა
41.449228, 44.538954
მანძილი დედაქალაქიდან
58 კმ
რეკომენდებული დრო
1 დღე

ჩვენი გიდები მზად არიან დაგეხმარონ ამ ადგილის მონახულებაში

13891881_1062705333765157_135766 cop IMG_0005
+3
ბოლნისის სიონი Bolnisi Sioni Cathedral
ბოლნისის სიონი

ბოლნისის სიონის ტაძარი - სამნავიანი ბაზილიკა მდებარეობს აღმოსავლეთ საქართველოში, ქვემო ქართლის მხარე...

ჭაპალას ციხე - Chapala fortress
ჭაპალას ციხე

ჭაპალის ციხე – ციხესიმაგრე ქვემო ქართლის მხარის ბოლნისის მუნიციპალიტეტის სოფელ ჭაპალასთან. მდინარეებ...

იხილეთ ასევე

ბოლნისის სიონის ტაძარი - სამნავიანი ბაზილიკა მდებარეობს აღმოსავლეთ საქართველოში, ქვემო ქართლის მხარეში, ბოლნისის მუნიციპალიტეტში, სოფელ ბოლნისში. ბოლნ...

ჭაპალის ციხე – ციხესიმაგრე ქვემო ქართლის მხარის ბოლნისის მუნიციპალიტეტის სოფელ ჭაპალასთან. მდინარეების მაშავერასა და ბოლნისისწყალის შესართავის მარჯვნი...

წმინდა პეტრე – პავლეს ეკლესია - მდებაორებს ქვემო ქართლში, ბოლნისის მუნიციპალიტეტში, რომელიც აგებულია კვარცხლბეკივით ამაღლებულ ელიას მთაზე, ზღვის დონიდ...

ბერდიკის ( ფოლადაურის ) ციხე — ისტორიული ციხესიმაგრე ქვემო ქართლში, ბოლნისის მუნიციპალიტეტში, მდინარე ბოლნისისწყლის (ფოლადაურის) მარჯვენა მხარეს, ახლა...

ქვეშის ციხე — შუა საუკუნეების ციხესიმაგრე აღმოსავლეთ საქართველოში, ქვემო ქართლში, მდინარე მაშავერის მარცხენა სანაპიროზე (ახლანდელი ბოლნისის მუნიციპალი...

ჭაპალა (ყოფ. ქოჩულო) — სოფელი აღმოსავლეთ საქართველოში, ქვემო ქართლის მხარის ბოლნისის მუნიციპალიტეტში, ნახიდურის თემში. მდებარეობს მდინარე მაშავერის მა...

წუღრუღაშენი — XIII საუკუნის ქართული მართლმადიდებლური გუმბათოვანი ტაძარი ქვემო ქართლში, ბოლნისის მუნიციპალიტეტში, ბოლნისის სიონიდან ორიოდ კმ-ზე, მდ. ბო...

ქვემო ბოლნისის წმინდა გიორგის სახელობის ტაძარი - VI საუკუნის ძეგლი, ე.წ. სამეკლესიანი ბაზილიკა, მდებარეობს ქვემო ქართლში, ბოლნისის მუნიციპალიტეტშ...

ქვემო ბოლნისი — სოფელი აღმოსავლეთ საქართველოში, ქვემო ქართლის მხარის ბოლნისის მუნიციპალიტეტში. მდებარეობს მდინარე ბოლნისისწყლის (მაშავერის მარჯვენა შე...

ფოლადაური — სოფელი აღმოსავლეთ საქართველოში, ქვემო ქართლის მხარის ბოლნისის მუნიციპალიტეტში. ბოლნისის თემის შემადგენლობაში. მდებარეობს მდინარე ბოლნისისწ...

აკაურთას ღვთისმშობლის ეკლესია — V-VI სს. ღვთისმშობლის მიძინების ერთდარბაზიანი  ეკლესია ქვემო ქართლში, ბოლნისის მუნიციპალიტეტის სოფელ აკაურთაში, მ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა

1 შეფასება

5
Leila Ismailova
Leila Ismailova

ჩემი ბოლნისი შესანიშნავი ადგილია

შეაფასე

დასვი კითხვა

შეაფასე ბოლნისი

საშინელი!

ცუდი!

კარგი!

ძალიან კარგი!

შესანიშნავი!