აკაურთას ღვთისმშობლის ეკლესია

აკაურთას ღვთისმშობლის ეკლესია — V-VI სს. ღვთისმშობლის მიძინების ერთდარბაზიანი ეკლესია ქვემო ქართლში, ბოლნისის მუნიციპალიტეტის სოფელ აკაურთაში, მდინარე მაშავერის მარცხენა მხარეს, ზღვის დონიდან 720 მეტრზე.

აკართის ღვთისმშობლის ეკლესია ნაშენებია მსხვილი თლილი კვადრებით. აღმოსავლეთით შვერილ-წახნაგოვანი აბსიდა აქვს. როგორც ჩანს, ეკლესიის ნავი სვეტებით იყო დანაწევრებული. ჩრდილოეთ ფასადზე მცენარეული მოტივით შესრულებული რელიეფებია. ორნამენტებისა და მორთულობის ხასიათით ენათესავება ბოლნისის სიონს.

ძეგლი რეაბილიტირებულია საქართველოს კულტურის, ძეგლთა დაცვისა და სპორტის სამინისტროს მიერ 2007 - 2008 წლებში.