დავით კომახიძის რელიგიური მუზეუმი

დავით კომახიძის რელიგიის მუზეუმი აჭარაში, ქალაქ ბათუმში, თამარის დასახლებაში მდებარეობს. მუზეუმი 2004 წელს გაიხსნა და იგი აჭარის მაშინდელი კულტურის მინისტრის - თეიმურაზ კომახიძისა და მისი მეუღლის ნარგიზ აბაშიძის თაოსნობით აშენდა. რელიგიის მუზეუმის დაარსება თეიმურაზ კომახიძის გარდაცვლილი შვილის - დავით კომახიძის სურვილი ყოფილა და მუზეუმი სწორედ მის სახელს ატარებს. აქ დაახლოებით 400 ექსპონატია წარმოდგენილი, კოლექცია მოიცავს სხვადასხვა რელიგიისთვისთვის სახასიათო ატრიბუტებს, წიგნებს და მრავალფეროვან ფოტომასალას. მუზეუმში ყველა წამყვან რელიგიაზე შეძლებთ ინფორმაციის მიღებას. ეს ადგილი საინტერესოა სხვადასხვა კონფესიის ადამიანებისთვის.