GEO 
ENG 
RUS გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.
დედაენის ბაღი
დედაენის ბაღის შესახებ
საუკეთესო პერიოდი:
ყველა სეზონი
დედაენის ბაღი თბილისის ერთ-ერთი პოპულარული პარკია. იგი მშრალ ხიდთან, ხიდისა და სკუდიერის ქუჩების კვეთაზე მდებარეობს. დედაენის ბაღი შესანიშნავი ადგილია დასვენებისა და განტვირთვისთვის. მწვანეში ჩაფლულ ბაღში მოწყობილია სასეირნო ბილიკები და დასასვენებელი სკამები. აქ არის სკეიტ პარკიც სპორტის მოყვარულთათვის. ბაღის ტერიტორიაზე არის კაფე-ბარები და სანაყინე, სადაც სასიამოვნო გარემო დაგხვდებათ. ბაღში დგას ელგუჯა ამაშუკელისა და ნოდარ მგალობლიშვილის შექმნილი დედაენის ძეგლი. დედაენის ბაღი ცნობილია, როგორც დემონსტრანტების თავშეყრის ადგილი. 1977 წელს, ახალი საბჭოთა კონსტიტუციის მიღების შემდეგ, საქართველოს სსრ უზენაესმა საბჭომ კონსტიტუციის გეგმა შეიმუშავა, რომლის მიხედვითაც, 1936 წლის კონსტიტუციისგან განსხვავებით, ქართული სახელმწიფო ენად უკვე აღარ იყო გამოცხადებული. ამ ინიციატივას მოჰყვა საპროტესტო აქციები. 1978 წლის 14 აპრილს დედაენის ბაღში დიდი მიტინგი ჩატარდა ენის სტატუსის შენარჩუნების მოთხოვნით, რის შედეგადაც ქართული სახელმწიფო ენად დარჩა. ამ მოვლენის აღსანიშნავად მოგვიანებით ბაღში დედაენის ძეგლი დაიდგა და 14 აპრილი დედაენის დღედ გამოცხადდა. თუკი დედაენის ბაღს ესტუმრებით მშრალ ხიდზეც აუცილებლად უნდა გაისეირნოთ, სადაც მრავალი ორიგინალური და საინტერესო ნივთის პოვნა შეიძლება. აქვეა იუსტიციის სახლიც, რომელიც თბილისის თანამედროვე არქიტექტურის ერთ-ერთი ცნობილი ნიმუშია.
41.700665
, 44.804197
ჩვენი გიდები მზად არიან დაგეხმარონ ამ ადგილის მონახულებაში
+12
რუკა
Please login to ask a question
დასვი კითხვა