ავკვეთის წმინდა გიორგის ეკლესია

ავკვეთის წმინდა გიორგის ეკლესია მდებარეობს შიდა ქართლში, გორის მუნიციპალიტეტის ნასოფლარ ავკვეთის სამხრეთით.

ეკლესია დგას მთის ფერდზე, ტყეში. დარბაზულია (16,8×13,7 მ), სამივე მხრიდან მინაშენებით. აგებულია ალგეთის ქვით, კაპიტელებისა და კუთხის ქვებად გამოყენებულია შირიმი და მწვანე ტუფი. ნაგებობის შიდა კედლები ამოყვანილია წვრილი ქვით. შენობა დაზიანებული. ტაძარი ნათდებოდა აღმოსავლეთის ერთი და სამხრეთის ორი თაღოვანი სარკმლით, რომლის წირთხლები შიგნითკენ ფართოვდება. ეკლესიის ფასადების საპირე ქვები უმეტესად ამოვარდნილია. კედლებს ზოგიერთ ადგილას ატყვია ფხვიერი ხსნარით შესრულებული გვიანდელი შეკეთების კვალი. ტაძრის გარშემო სხვა ნაგებობათა კვალი არ შეინიშნება.