ბათუმის იახტკლუბი

ფასები გასხვავებულია იახტის, ნავისა თუ სასეირნო გემის, ასევე სეზონის მიხედვითაც იცვლება მომსახურების ღირებულება.  

- იახტკლუბში გემით გასეირნების ფასები 10 ლარიდან იწყება. ყველაზე იაფი დიდი სასეირნო გემია. ნახევარი საათი ერთ ადამიანს 10 ლარი დაუჯდება. თუმცა ამ შემთხვევაში იძულებული იქნებით სხვა ტურისტებს დაელოდოთ და როცა გემი შეივსება, ზღვაში შემდეგ გახვიდეთ.

- თუ გემზე წვეულების მოწყობას გადაწყვეტთ, ერთი საათით დაქირავება 200-დან 300 ლარამდე დაგიჯდებათ ივლისამდე. ივლისიდან ფასები გაიზრდება და ერთი საათის ღირებულება 500 ლარი იქნება, სეზონის ბოლომდე.

- თუ სხვა ტურისტებისთვის ლოდინის დრო არ გაქვთ, მაშინ ორი ვარიანტია: ან იახტა დაიქირაოთ, ან იალქნიანი ნავი. იახტის დაქირავება ნახევარი საათით, სულ მცირე, 70 ლარი ღირს, ერთი საათით - 140 ლარი. ივნისიდან ფასები იახტებზეც გაიზრდება და ნახევარი საათით დაქირავება 100 ლარი ეღირება. ნახევარი საათით დაქირავების დროს იახტა ბათუმის იახტკლუბიდან სასტუმრო „შერატონის“ მიმდებარე ტერიტორიამდე მიდის და შემდეგ უკან ბრუნდება. ერთი საათით დაქირავების შემთხვევაში კი იახტა მწვანე კონცხის მიმართულებით მიდის.

- იალქნიანი ნავის დაქირავება ერთი საათით 60 ლარი დაგიჯდებათ. იალქნიან ნავზე, რომელსაც მოტორიც აქვს, სულ შვიდი ადამიანი ეტევა. მაგრამ თუ სრულად დაიტვირთება, იალქნის გაშლა შეუძლებელი იქნებამ, რადგან იალქნის გაშლა ორ ადამიანზეა რეკომენდებული.