ბულბულის ციხე

ბულბულის ციხე შიდა ქართლის მხარეში, ხაშურის მუნიციპალიტეტში მდებარეობს, სოფელ ბულბულისციხის სამხრეთ-დასავლეთით 1,5 კილომეტრზე, ქვიშხეთიდან იმერეთში მიმავალ გზაზე. იგი რიყის ქვით ნაშენი ფეოდალური ხანის ნაგებობაა. ციხე ძალიან დაზიანებულია, შემორჩენილია მხოლოდ ნახევარწრიული გოდოლის ნაშთი დასავლეთ ნაწილში და სამხრეთის სათოფურებიანი კედელი. სამხრეთის კედლის სიმაღლე 5 მეტრია, სიგრძე კი - 35 მეტრი. კედლის სისქე ზედა ნაწილში 1,2 მეტრია, ქვევით - 2 მეტრი. ბულბულის ციხე შუასაუკუნეებში მნიშვნელოვანი საფორტიფიკაციო ნაგებობა იყო აღმოსავლეთ და დასავლეთ საქართველოს დამაკავშირებელ გზაზე.