ხაშური, შიდა ქართლი - Khashuri, Shida Kartli

ხაშური

2
ტურისტული ადგილი
578 Area
ფართობი, კმ2
52,120 Population
მოსახლეობა

ხაშურის შესახებ


საუკეთესო პერიოდი: ყველა სეზონი

ხაშური აღმოსავლეთ საქართველოში, შიდა ქართლში მდებარე მუნიციპალიტეტია. რაიონის ტერიტორია უძველესი დროიდან, ჯერ კიდევ ქვის ხანიდან, ყოფილა დასახლებული, რასაც აქ აღმოჩენილი ქვის იარაღები, ბრინჯაოს ნივთები და სხვადასხვა ეპოქის არქეოლოგიური ექსპონატები ადასტურებს. ისტორიულ წყაროებში ხაშური პირველად 1693 წელს იხსენიება. იგი ქალაქის ტიპის დასახლება XIX საუკუნის 60-იანი წლებიდან გახდა, რასაც საქართველოში რკინიგზის გაყვანამ შეუწყო ხელი. მუნიციპალიტეტი აღმოსავლეთ, დასავლეთ, და სამხრეთ საქართველოს გზაგასაყარზე მდებარეობს და შესაბამისად მას სტრატეგიული მდებარეობა აქვს. ხაშურში განვითარებულია მრეწველობა და სოფლის მეურნეობა. სოფლის მეურნეობის წამყვანი დარგები მემინდვრეობა, მევენახეობა და მესაქონლეობაა. რაიონში ფუნქციონირებს 3 მუზეუმი, 1 თეატრი და 24 ბიბლიოთეკა. რაიონში ასევე განვითარებულია ტურიზმიც, რასაც კულტურული ძეგლების სიმრავლე და და ბუნებრივი რესურსები განაპირობებს. ჰავის, სამკურნალო მინერალური წყლებისა და ბუნების სილამაზის გამო პოპულარობით სარგებლობს ხაშურის კურორტები. ბიჯნისის ჩანჩქერი, ღორინამკლის მთა, კოდიწყაროს ტბა, წრომის ტაძარი, სურამის ციხე და მრავალი სხვა ღირსშენაშნაობა უამრავ მოგზაურს იზიდავს, შესანიშნავი ხედებითა თუ კულტურულ-ისტორიული ღირებულებით. 


გეოგრაფია და კლიმატი

ხაშურის მუნიციპალიტეტი საქართველოს ცენტრალურ ნაწილში, შიდა ქართლის მხარეში მდებარეობს, ზღვის დონიდან 690 მეტრზე. მისი ადმინისტრაციული ცენტრია ქალაქი ხაშური. მუნიციპალიტეტი 13 ადმინისტრაციული ერთეულისგან შედგება: ქალაქი ხაშური, სურამი, ხცისი, წაღვლი, წრომი, ხალები, ქვიშხეთი, ცხრამუხა, ოსიაური, ფლევი, ცოცხნარა, ალი და გომი. ხაშურს ჩრდილოეთით და აღმოსავლეთით ქარელის მუნიციპალიტეტი ესაზღვრება, ჩრდილოეთით - საჩხერის, სამხრეთით და დასავლეთით - ბორჯომის, დასავლეთით კი - ხარაგაულის. რაიონში ძირითადად საშუალო და დაბალმთიანი ქედ-ხეობებიანი და ბორცვიან-ვაკეებიანი რელიეფია. მნიშვნელოვანი ოროგრაფიული ერთეულია ყელეთის ქედი, რომელიც მდინარე ძამის აუზისა და მტკვრის ხეობის წყალგამყოფია. მუნიციპალიტეტის მთავარი მდინარეა მტკვარი. ხაშურის ფლორა და ფაუნა მრავალფეროვანია. ვაკეზე უმეტესად ჯაგეკლიანი სტეპები გვხვდება, მთის კალთებზე კი, ტყეებში, გავრცელებულია როგორც ფოთლოვანი, ისე მარადმწვანე მცენარეულობა. ტყის ზონის ზემოთ სუბალპური მდელოებია. აქ ნახავთ როგორც სტეპის ისე მთის ტყეში მობინადრე ცხოველებს: მურა დათვი, მგელი, მელა,კვერნა, კურდღელი და სხვა. 
ხაშურის მუნიციპალიტეტში ზომიერად ნოტიო სუბტროპიკული ჰავაა. მთიან ზონაში ცივი ზამთარი და ხანგრძლივი, გრილი ზაფხული იცის, ბარში კი ზაფხული ცხელია.  საშუალო წლიური ტემპერატურა 9.6 °C—9.7 °C-ა, იანვრისა - 9.4 °C—1.9 °C, ივლისისა კი - 20 °C—20.5 °C. 


რა ვნახოთ

ხაშურის მუნიციპალიტეტი გამოირჩევა ბუნების სილამაზითა და კულტურული ძეგლების სიმრავლით. მთები და შერეული ტყეები ულამაზეს უმშვენიერეს წარმოადგენს როგორც გაზაფხულის სიმწვანეში, ისე შემოდგომაზე. ღორინამკლის მთიდან შესანიშნავი ხედები იშლება ხაშურსა და ლურჯად მოელვარე კოდიწყაროს ტბაზე. ულამაზესი ბიჯნისის ჩანჩქერი კი ნამდვილად სამოთხეა, განსაკუთრებით თუკი ზაფხულის სიცხეში გადაწყვიტეთ მოგზაურობა. დასასვენებლად შეგიძლიათ ხაშურის კურორტებს ეწვიოთ, სადაც სუფთა ჰაერი, ტყეები, მთების ხედები  და სიმშვიდე დაგხვდებათ. გარდა ბუნების სილამაზისა ეს რაიონი მდიდარია კულტურული ძეგლებითაც. აქ ნახავთ ისტორიულ ციხე-სიმაგრეებსაა და შუასაუკუნოვან ტაძრებს. სურამის ციხე, რომელშიც ლეგენდის თანახმად დედისერთა ვაჟი - ზურაბია ჩაკირული, ბულბულის ციხე თუ უძველესი წრომის ტაძარი საქართველოს ისტორიულ-კულტურული განვითარების ნათელ სურათს ქმნის და უამრავ მნახველს იზიდავს. ხაშურში ფუნქციონირებს მხარეთმცოდნეობის მუზეუმი, სადაც მდიდარი და მრავალფეროვანი მასალაა დაცული. უზეუმში წარმოდგენილია ექსპონატები უძველესი პერიოდებიდან უახლეს წარსულამდე: ჭურჭელი, შრომისა და საბრძოლო იარაღები, ნუმიზმატური კოლექცია, ხატები, წიგნები, ფოტო და სახვითი ხელოვნების კოლექციები და სხვა. 


ბუნება

  • ბიჯნისის ჩანჩქერი
  • კოდიწყაროს ტბა
  • ღორნამკლის მთა
  • ყელეთის ტბა


კულტურული ძეგლები

  • წრომის ტაძარი
  • სურამის ციხე
  • ბუმბულის ციხე
  • იტრიის მონასტერი
  • ალის ციხე


კურორტები


ყველა ადგილის სანახავად დააჭირეთ აქ

მდებარეობა
41.985882, 43.595408
მანძილი დედაქალაქიდან
129 კმ
რეკომენდებული დრო
1 დღე

ჩვენი გიდები მზად არიან დაგეხმარონ ამ ადგილის მონახულებაში

13891881_1062705333765157_135766 cop IMG_0005
+3
Surami fortress, Surami
სურამი

სურამი — დაბა, სამთო-კლიმატური კურორტი ხაშურის მუნიციპალიტეტში. მდებარეობს ლიხის ქედის სამხრეთ კალთე...

სურამის ციხე Surami fortsress
სურამის ციხე

სურამის ციხე — შუა საუკუნეების ციხესიმაგრე აღმოსავლეთ საქართველოში, შიდა ქართლში, ხაშურის მუნიციპალი...

იხილეთ ასევე

სურამი — დაბა, სამთო-კლიმატური კურორტი ხაშურის მუნიციპალიტეტში. მდებარეობს ლიხის ქედის სამხრეთ კალთებზე, ზღვის დონიდან 740 მეტრ სიმაღლეზე. დაბის სტატუ...

სურამის ციხე — შუა საუკუნეების ციხესიმაგრე აღმოსავლეთ საქართველოში, შიდა ქართლში, ხაშურის მუნიციპალიტეტის დაბა სურამის ჩრდილოეთ ნაწილში, მდინარე სურამ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ხაშური

საშინელი!

ცუდი!

კარგი!

ძალიან კარგი!

შესანიშნავი!