ბურსაჭირის ჩანჩქერი

ბურსაჭირის ჩანჩქერი მცხეთა-მთიანეთის მხარეში, დუშეთის მუნიციპალიტეტში, გუდამაყრის თემის ნასოფლარ სალაღობოს აღმოსავლეთით მდებარეობს, მდინარე ბურსაჭირის შუა დინებაში, ზღვის დონიდან 2170 მეტრზე. ჩანჩქერის საერთო სიმაღლე დაახლოებით 20 მეტრია. იგი ორ საფეხურად გადმოედინება, ზედა საფეხურის სიმაღლე 3-4 მეტრია, ქვედა საფეხურისა კი - 16-17 მეტრი. უზარმაზარ კლდეებში გადმომდინარი ჩანჩქერი საოცარ სანახაობას ქმნის. ბურსაჭირის ჩანჩქერი ერთ-ერთი შთამბეჭდავი ადგილია და შესანიშნავია მცირე ლაშქრობებისთვის. ალპური მინდვრები, მთები, კლდეები და ულამაზესი ჩანჩქერი მრავალ ბუნებისა და ხეტიალის მოყვარულს იზიდავს. ფეხით სულ რაღაც 2-2.5 კმ-ის გავლა მოგიწევთ, ასე რომ საკმაოდ მარტივად შეგიძლიათ დაუვიწყარი თავგადასავალი მოიწყოთ და განიტვირთოთ მეგობრებთან თუ ოჯახთან ერთად.

ნათია ციგრიაშვილის ფოტოები.