ჭერმის კლდეები

ჭერმის კლდეები მცხეთა-მთიანეთის მხარეში, მცხეთის მუნიციპალიტეტში მდებარეობს, სოფლებს - მუხათგვერდსა და დიღომს შორის, ზღვის დონიდან 550-600 მეტრზე, მტკვრის ხეობის მარჯვენა ფერდობის კლდეებზე. იგი წარმოადგენს ფსევდოკარსტს, რომელიც ატმოსფერული ფაქტორების მოქმედების შედეგად არის წარმოქმნილი. მისი ფორმები გამომუშავებულია წვიმის წყლისა და ქარის მიერ ერკოზული ქვიშაქვების დაშლითა და მარცვლების გატანით. აქ ვხვდებით ბუნებრივ კამარას, რომელიც “ჩაკიდულის” სახელითაა ცნობილი, რამდენიმე ათეულ, 0,5 -1,5 მეტრის დიამეტრის მქონე, ქვაბისებური ფორმის ჩაღრმავებას და 3 მეტრის სიგრძის ბუნებრივ ხიდს. ჭერმის კლდეების ბუნებრივი უნიკალური ფორმები ძალიან საინტერესო სანახაობას წარმოადგენს.