დიღმის ტყე-პარკი

დიღმის ტყე-პარკი - მდებარეობს თბილისში, დიღმის მასივში, ახმეტელისა და ლუბლიანის ქუჩებს შორის. ტყე-პარკის ისტორია 1934 წლიდან იწყება, როდესაც აქ თბილისის საბაზისო სანერგე დაარსდა. მას აგრეთვე ქარსაცავი ზოლის ფუნქციაც ჰქონდა. ქალაქის გენგეგმის მიხედვით მისი ტერიტირია 75 ჰექტარს შეადგენდა. დღეისათვის ამ ფართობიდან 20.5 ჰექტარია გადარჩენილი. დაარსების დღიდან დიღმის ტყე-პარკი “ქალაქის ფილტვებად“ ითვლებოდა. თბილისში არ არსებობს დიღმის ტყე-პარკის ანალოგიური ადგილი.

ტყე-პარკში გვხვდება მცენარეთა 7 000-მდე სახეობა, როგორც ადგილობრივი, უნიკალური მერქნიანი, ასევე შემოტანილი ჯიშები. ადგილობრივი მცენარეებიდან უმეტესი ნაწილი საქართველოს “წითელ წიგნშია” შეტანილი და საჭიროა რომ ეს სახეობები იქნეს განსაკუთრებულად დაცული.

დიღმის პარკში შეხვდებით 150 წელს გადაცილებულ უნიკალური ხეებსაც, კერძოდ მუხებს, ფიჭვებს და სხვა, რასაც თბილისისათვის ისტორიული მნიშვნელობა აქვს. დიღმის პარკი გამოირჩევა ხელსაყრელი კლიმატური პირობებით - მშრალი, ზომიერად თბილი და ნაწილობრივ მშრალი სუბტროპიკული ზონებით, რაც შემოტანილი მცენარეების გამრავლებას უწყობს ხელს.

დიღმის ტყე-პარკი თბილისელებისთვის ერთ-ერთი საუკეთესო სასეირნო და დასასვენებელი ადგილია.