ძლევის ქედის „თამარის სავარძლები“

ძლევის ქედის თამარის სავარძლები მდებარეობს შიდა ქართლის მხარეში, კასპის მუნიიპალიტეტის სოფელ კავთისხევში,

ობიექტი წარმოადგენს სავარძლის ფორმის ორ ქვას, ერთმანეთის პარალელურად. მდებარეობს ქედის თხემზე, დამხრობილია ისე, რომ მასზე მჯდომარე ადამიანი გადაჰყურებს ქართლის ველებს. წარმოადგენს კლდის ქვაში ნაკვეთ სავარძლებს. რომლებსაც საზურგეები აქვთ. მარჯვენა სავარძელი შედარებით მაღალზეა და დასაჯდომიც უფრო მაღალი აქვს, ვიდრე მარცხნივ მდებარეს.

მოსახლეობაში არსებობს გადმოცემა იმის თაობაზე, რომ აღნიშნული სავარძლები თამარ მეფის კუთვნილია, რომელზეც მეფე ჯარის შეკრების დროს ჯდებოდა. ამავე გადმოცემის მიხედვით, მარჯვენაზე ჯდებოდა თამარ მეფე, ხოლო მარცხენაზე ზაქარია მხარგრძელი. თუ გავითვალისწინებთ ვახუშტის ინფორმაციას იმაზე, რომ სოფელი თვალივი მეფეთა საზაფხულო სადგომი იყო, სადაც ჯერ კიდევ იდგა როსტომ მეფის სასახლის ნაშთები, შესაძლოა მოსახლეობაში დალექილი გადმოცემა არც იყოს მთლად მითოლოგიზებული.