კასპი, შიდა ქართლი - Kaspi, Shida kartli

კასპი

22
ტურისტული ადგილი
799 Area
ფართობი, კმ2
42,753 Population
მოსახლეობა

კასპის შესახებ


საუკეთესო პერიოდი: ყველა სეზონი

კასპის მუნიციპალიტეტი შიდა ქართლის მხარეში მდებარეობს. რაიონის ტერიტორიაზე ადამიანის ცხოვრების კვალი ჯერ კიდევ ქვის ხანიდან იწყება, რასაც უძველესი ნამოსახლარები და არქეოლოგიური მასალა მოწმობს. კასპი დარეული პერიოდიდანვე დაწინაურდა და მნიშვნელოვანი სამხედრო და კულტურული მნიშვნელობა ჰქონდა, რაც მისი გეოგრაფიულ-სტრატეგიული მდებარეობით იყო განპირობებული. იგი ციხე-ქალაქს წარმოადგენდა, რომელსაც საკუთარი სპასალარი ჰყოლია. V საუკუნეში, ვახტანგ გორგასლის მეფობის დროს, კასპი განვითარების მაღალ საფეხურზე იდგა, დიდი ყურადღება ექცეოდა განათლებისა და აღზრდის საკითხს. მემატიანე მოგვითხრობს, რომ აქ წარჩინებულები და მეფეები აღსაზრდელად აგზავნიდნენ თავინთ შვილებს. კასპში იზრდებოდა ვახტანგ გორგასლის და მირანდუხტიც. VIII საუკუნეში არაბი სარდლის, მურვან ყრუს, ლაშქრობამ კასპი სრულიად გაანადგურა და ცხოვრება ჩაკვდა. XV საუკუნეში იგი ამილახვართა ფეოდალურ საგვარეულოს ეკუთვნოდა, ადმინისტრაციულად კი ქართლის საერისთავოს შემადგენლობაში იყო. XV საუკუნის მეორე ნახევარში კი ქართლის მეფე სიმონ I-მა კასპი ამილახვრებს ჩამოართვა და სვეტიცხოველს შესწირა. XIX საუკუნეში იგი სოფლის ტიპის დასახლება იყო. კასპი ცალკე რაიონია 1930 წლიდან. დღესდღეობით რაიონში ფუნქციონირებს საგანმანათლებლო დაწესებულებები, მხარეთმცოდნეობის მუზეუმი, კულტურული და დასასვენებელი სივრცეები და ა.შ. იგი ასევე საქართველოში საშენ მასალათა წარმოების ცენტრია. მუნიციპალიტეტის ტერიტორიაზე არის ცემენტის, სპირტის, საკონსერვო და საკონდიტრო ქარხნები. კასპის ტერიტორიაზე გადის ცენტრალური სარკინიგზო მაგისტრალი, რაც მის ეკონომიკურ პოტენციალს ზრდის. განვითარებულია ასევე სოფლის მეურნეობა, წამყვანი დარგებია: მევენახეობა, მეხილეობა, მებოსტნეობა, სარძევე მეცხოველეობა. რაიონი გამოირჩევა ბუნების სილამაზით, აქ ასევე მრავალი მნიშვნელოვანი კულტურულ-ისტორიული ძეგლია შემორჩენილი. კასპის უძველესი ციხე-სიმაგრეები და ტაძრები, როგორიცაა: რკონის მონასტერი, რკონის ციხე, სამთავისი და მრავალი სხვა, დიდი პიპულარობით სარგებლობს და უამრავ ტურისტს იზიდავს.


გეოგრაფია და კლიმატი

კასპის მუნიციპალიტეტი შიდა ქართლის მხარეში მდებარეობს, მტკვრის ორივე მხარეს. მისი ადმინისტრაციული ცენტრია ქალაქი კასპი. კასპს აღმოსავლეთიდან ესაზღვრება მცხეთის მუნიციპალიტეტი, დასავლეთით - გორის, სამხრეთით - თეთრიწყაროსა და წალკის, ჩრდილო-აღმოსავლეთით კი - დუშეთისა და ახალგორის მუნიციპალიტეტები. მუნიციპალიტეტი შიდა ქართლის ვაკეზე მდებარეობს. ჩრდილოეთით მას კავკასიონის ქედის სამხრეთ განშტოებები აკრავს, სამხრეთით კი - თრიალეთის ქედი. რაიონის უმაღლესი მწვერვალია ობოლო კლდე (2080მ). კასპის ტერიტორიაზე მიედინება მდინარეები: მტკვარი, ქსანი, ლეხურა, კავთურა, თეძამი. ტყითაა დაფარული მუნიციპალიტეტის ტერიტორიის 32.7%. რაიონის ჩრდილო-აღმოსავლეთ ნაწილში ჯაგრცხილნარიანი მუხნარია, თრიალეთის ქედის ფერდობებზე რცხილნარ-მუხნარია გავრცელებული, სამხრეთით კი წიფლის ტყეებია. ტყეებში გვხვდება: მუხა, წიფელი, რცხილა, ნეკერჩხალი, იფანი და წიწვოვანები.
კასპის მუნიციპალიტეტში ნოტიო სუბტროპიკული ჰავაა, ცივი ზამთრითა და მშრალი, ცხელი ზაფხულით. საშუალო წლიური ტემპერატურაა 11,4 °C, იანვრისა -  0,5 °C, აგვისტოსი კი - 23 °C.


რა ვნახოთ

კასპის მუნიციპალიტეტი გამოირჩევა კულტურული ძეგლების სიმრავლითა და ბუნების სილამაზით. ტყეები, ხეობები, შესანიშნავი ხედები და ყვავილოვანი მდელოები საინტერესო და თავგადასავლებით სავსე მარშრუტების დაგეგმვის საშუალებას გვაძლევს. ცხავერისა და ნოსტეს ჩანჩქერებს, სოფელ გოსტიბეს, თავკავთასა თუ სხვა მრავალ საოცარ ადგილს ბევრი მოგზაურობის მოყვარული და ბუნების სიმშვიდეში დასვენების მსურველი სტუმრობს. კასპში ულამაზეს ბუნებასთან ერთად ბევრი მნიშვნელოვანი ისტორიულ-კულტურული ძეგლიც გვხვდება. აღსანიშნავია უნიკალური ჩუქურთმებით შემკული, ჰარმონიული პროპორციებით გამორჩეული სამთავისის ტაძარი, ქართული ხუროთმოძღვრების საეტაპო და მნიშვნელოვანი ძეგლი - ქვათახევის მონასტერი, მრავალფეროვანი რკონის სამონასტრო კომპლექსირკონის ციხე, სხვილოს ციხე და სხვა. კასპში მდებარეობს აგრეთვე ერთ-ერთი საინტერესო და მნიშვნელოვანი არქეოლოგიური ძეგლი - გრაკლიანი გორა, სადაც შეძლებთ საქართველოს წინარექრისტიანულ კულტურაში მოგზაურობას. ქალაქ კასპში ფუნქციონირებს კასპის მხარეთმცოდნეობის მუზეუმი. მუზეუმში 20 000-ზე მეტი ექსპონატია დაცული, რომლებიც ბრინჯაოს ხანიდან შუასაუკუნეებამდე პერიოდებს მოცავს. რაიონში არის ჰავითა და სამკურნალო წყლებით გამორჩეული კურორტები (ხოვლე, გარიყულა, გოსტიბე), სადაც სასიამოვნო გარემოში დასვენებას შეძლებთ.


ბუნება

  • ცხავერის ჩანჩქერი
  • ნოსტეს ჩანჩქერი


კულტურული ძეგლები


კურორტები

  • ხოვლე
  • გოსტიბე
  • გარიყულა


ყველა ადგილის სანახავად დააჭირეთ აქ

მდებარეობა
41.919505, 44.422067
მანძილი დედაქალაქიდან
64 კმ
რეკომენდებული დრო
1 დღე

ჩვენი გიდები მზად არიან დაგეხმარონ ამ ადგილის მონახულებაში

13891881_1062705333765157_135766 cop IMG_0005
+3
ქვათახევის მონასტერი, სამონასტრო კომპლექსი, church, monastery complex
ქვათახევის მონასტერი

ქვათახევის მონასტერი შიდა ქართლის მხარეში, კასპის მუნიციპალიტეტში მდებარეობს. იგი XII-XIII საუკუნე...

რკონის მონასტერი, church , monastery complex
რკონის მონასტერი

რკონის სამონასტრო კომპლექსი შიდა ქართლის ხარეში, კასპის მუნიციპალიტეტში, სოფელ ჩაჩუბეთის მიმდებარედ,...

საინტერესო მარშრუტები კასპში

იხილეთ ასევე

ერთაწმინდის წმინდა ესტატეს სახელობის ეკლესია შიდაქართლის მხარეში, კასპის მუნიციპალიტეტის სოფელ ერთაწმინდაში მდებარეობს. იგი XIII საუკუნის ჯვარგუმბათოვ...

ქვათახევის მონასტერი შიდა ქართლის მხარეში, კასპის მუნიციპალიტეტში მდებარეობს. იგი XII-XIII საუკუნეების ძეგლია, ქართლის უმთავრეს მონასტრად ითვლებოდა ...

სამთავისის კომპლექსი შიდა ქართლის მხარეში, კასპის მუნიციპალიტეტში მდებარეობს. იგი XI საუკუნის ძეგლია, ტაძრის წარწერებში აგების თარიღად მითითებულია 10...

რკონის სამონასტრო კომპლექსი შიდა ქართლის ხარეში, კასპის მუნიციპალიტეტში, სოფელ ჩაჩუბეთის მიმდებარედ, ნასოფლარ რკონის ტერიტორიაზე მდებარეობს. XII-XIII...

მეტეხის ღვთისმშობლის სახელობის სატაძრო კომპლექსი შიდაქართლის მხარეში, კასპის მუნიციპალიტეტის სოფელ მეტეხში, სოფლის ცენტრში მდებარეობს. ანსამბლის შემა...

რკონის ციხე შიდა ქართლის მხარეში, კასპის მუნიციპალიტეტში მდებარეობს, რკონის სამონასტრო კომპლექსთან ახლოს, მაღალი მთის ფერდობზე. ძეგლი VIII საუკუნის შუ...

რკონის "თამარის ხიდი" შიდა ქართლის მხარეში, კასპის მუნიციპალიტეტში, სოფელ ჩაჩუბეთთან ახლოს მდებარეობს. იგი რკონის სამონასტრო კომპლექსის ნაწ...

ახალქალაქის წმინდა თევდორეს ეკლესია შიდა ქართლის მხარეში, კასპის მუნიციპალიტეტის სოფელ ახალქალაქში მდებარეობს, სოფლის ცენტრში. იგი XIX საუკუნით დათარი...

ღვთისმშობლის მიძინების სახელობის ეკლესიის კომპლექსი შიდა ქართლის მხარეში, კასპის მუნიციპალიტეტის სოფელ ახალქალაქში მდებარეობს, სოფლის ცენტრში. იგი XVI...

ჩაჩუბეთის ღვთისმშობლის სახელობის ეკლესია შიდა ქართლის მხარეში, კასპის მუნიციპალიტეტის სოფელ ჩაჩუბეთში მდებარეობს. იგი დარბაზულ ნაგებობას წარმოადგენს, ...

ზემო ჩოჩეთის წმინდა სამების ეკლესია შიდა ქართლის მხარეში, კასპის მუნიციპალიტეტში, სოფელ ჩოჩეთის ცენტრში, სასაფლაოზე მდებარეობს. იგი IX-X საუკუნეებით დ...

შერვაშიძეების საგვარეულო კოშკი შიდა ქართლის მხარეში, კასპის მუნიციპალიტეტში, სოფელ სასირეთში მდებარეობს. იგი XVII საუკუნით თარიღდება, ნაგებია რიყის ...

მეტეხის წმინდა თევდორეს სახელობის ეკლესია შიდა ქართლის მხარეში, კასპის მუნიციპალიტეტში, სოფელ მეტეხში მდებარეობს. იგი XVI-XVIII საუკუნეების დარბაზული ...

ფავნისის წმინდა გიორგის ეკლესია შიდა ქართლის მხარეში, კასპის მუნიციპალიტეტის სოფელ გარიყულაში მდებარეობს. იგი IX-X საუკუნეებით თარიღდება. დარბაზული ეკ...

ლომისის სამების ეკლესია შიდა ქართლის მხარეში, კასპის მუნიციპალიტეტის სოფელ კავთისხევში მდებარეობს. იგი ადრეულ შუასაუკუნეებს მიეკუთვნება. რიყისა და ნატ...

კავთისხევის წმინდა გიორგის სახელობის ეკლესია შიდა ქართლის მხარეში, კასპის მუნიციპალიტეტის სოფელ კავთისხევში მდებარეობს. იგი V-VII საუკუნეებით დათარიღე...

სასირეთის წმინდა გიორგის სახელობის ეკლესია შიდა ქართლისმხარეში, კასპის მუციპალიტეტის სოფელ სასირეთში მდებარეობს, სოფლის განაპირას, სასაფლაოზე. იგი XI...

მაღალაანთ ეკლესიის კომპლექსი შიდა ქართლის მხარეში, კასპის მუნიციპალიტეტში, სოფელ წინარეხთან ახლოს მდებარეობს.  XIV საუკუნიდან ეს მხარე ძლიერი ...

მაღალაანთ კოშკი (პაპუა მაღალაძის კოშკი) შიდა ქართლის მხარეში, კასპის მუნიციპალიტეტში, სოფელ წინარეხთან ახლოს მდებარეობს. იგი მაღალაანთ ეკლესიის კომპ...

წმინდა გიორგისა და წმინდა თევდორეს ეკლესია შიდა ქართლის მხარეში, კასპის მუნიციპალიტეტში, სოფელ თელათგორის ცინტრში მდებარეობს. ...

მარშრუტი იწყება თბილისთან ახლოს, სოფელ წინარეხში და მიუყვება მდინარე კავთურას ხეობას თავკავთას წმინდა გიორგის ეკლესიამდე. მარშრუტი არის მარტივი, რადგა...

მარშრუტი იწყება თბილისთან ახლოს, სოფელ წინარეხში და მიუყვება მდინარე კავთურას ხეობას თავკავთას წმინდა გიორგის ეკლესიისკენ. მარშრუტი არის საშუალო სირთუ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე კასპი

საშინელი!

ცუდი!

კარგი!

ძალიან კარგი!

შესანიშნავი!