ღრომას წმინდა თევდორეს ეკლესია

ღრომას წმინდა თევდორეს სახელობის ეკლესია მდებარეობს სამცხეში, ახალიციხის მუნიციპალიტეტში, სოფელ ანდრიაწმინდასა და წყორძას შორის, სამანქანო გზიდან ხელმარცხნივ მთის ფერდზე. ნასოფლარი ღრომადან 700-800 მეტრში.

აგებულია X-XI საუკუნეებში, კარგად გათლილი ქვისაგან. ეკლესია დარბაზული ტიპისაა. გადახურულია ლორფინით. სახურავის კუთხეებში ვერძისა და ეკლესიის მოდელა განთავსებული. ეკლესიაში შესასვლელი კარი სამხრეთ კედელშია გაჭრილი. ეკლესია ნათდება 2 სარკმლით, რომლებიც დასავლეთისა და აღმოსავლეთის კედელშია გაჭრილი. ეკლესიას გარშემო ყორე გალავანი შემოუყვება.