გლდანის პარკი

გლდანის პარკი თბილისის ერთ-ერთი მრავალფეროვანი და კეთილმოწყობილი პარკია. იგი ომარ ხიზანიშვილის ქუჩაზე მდებარეობს. აქ მოწყობილია ამფითეატრი, ფანჩატურები, შადრევანი, საბავშვო ატრაქციონები, აუზი, ველობილიკი და ძაღლების გასასეირნებელი სივრცე. პარკში ასევე არის სკეიტ პარკი და კალათბურთის მოედანი სპორტის მოყვარულთათვის. გამწვანებითა და მრავალნაირი გასართობით გლდანის პარკი უამრავ ადამიანს იზიდავს. აქ ნებისმიერი ასაკისა და სხვადასხვა ინტერესების მქონე ადამიანი იპოვნის მისთვის სასიამოვნო სივრცეს. ფერადი გარემო ლამაზი ბილიკებითა და მოხატული, დეკორატიული კედლებით ხალისიან და დადებით განწყობას ქმნის. პარკი შესანიშნავია როგორც ოჯახთან ერთად განტვირთვისთვის, ასევე სპორტისა და აქტიური გართობის მოყვარულთათვის.