გლდანის ტბა

გლდანის დიდი ტბა (დიდი ტბა, თეთრი ტბა) - ტბა ქალაქ თბილისის ჩრდილოეთ ნაწილში, მდინარე მტკვრის მარცხენა მხარეს, სოფელ გლდანის მახლობლად. მდებარეობს ზღვის დონიდან 546 მ სიმაღლეზე. ზედაპირის ფართობი 0,2 კმ², აუზის ფართობი 0,77 კმ². ტბის სიგრძეა დაახლოებით 900 მ, ხოლო სიგანე — 300 მ. ტბა ძირითადად წვიმისა და თოვლის წყლებით და აგრეთვე მწარე მარილოვანი წყაროებით საზრდოობს, რის გამოც იგი დამლაშებულია და თითქმის მოკლებულია იხტიოფაუნას.

ტბა პოპულარულია სამოყვარულო თევზჭერის თვალსაზრისით. ბინადრობს კარჩხანა, კობრი, თეთრი ამური, სქელშუბლა.

ტბის გარშემო მოწყობილია დასასვენებელი პარკი, რომლის განვითარება და ინფრასტრუქტურის განახლება იგეგმება, რაც უფრო მიმზიდველს გახდის ამ ადგილს.