გომარეთის (ეგრისის) შავსაყდრების იოანე ნათლისმცემლის ეკლესია

კომპლექსი მდებარეობს ქვემო ქართლის მხარეში, დმანისის მუნიციპალიტეტის, სოფელ გომარეთის თემში

კომპლექსს შავსაყდრების კომპლექსი ეწოდება და შედგება სამი ეკლესიისგან, რომელიც ნასოფლარ ეგრისის ტერიტორიაზე მდებარეობს.

წმ.იოანე ნათლისმცემლის ეკლესია დარბაზული ტიპის ეკლესიას, რომელიც X-XI საუკუნეშია აგებული, სამხრეთით, მთელ სიგრძეზე, აქვს მინაშენი. ეკლესია მოგვიანებით XVIII ს-ში განუახლებიათ.

შიდა სივრცე გადახურულია ცილინდრული კამარით.აღმოსავლეთით ნახევარწრიული მოხაზულობის აბსიდაა,დასავლეთით კი საკმაოდ ღრმა ნიშა.ჩრდილოეთის კედელში ორი ნიშაა მოთავსებული.სამხრეთის შესასვლელი არქიტრაულია.ეკლესიას გააჩნია სამი სარკმელი-აღმოსავლეთით,დასავლეთით და სამხრეთით.ნაგებია უხეშად დამუშავებული ქვის კვადრებით.ფასადები დასრულებულია ქვის კარნიზით.

მინაშენი მოგვიანებითაა მიშენებული.შიდა სივრცე აქაც ცილინდრული კამარითაა გადახურული და შემაგრებულია სამი საბჯენი თაღით.მინაშენში დევს ძველი საფლავის ქვები.დასავლეთის ფასადზე ჩასმულია მოყავისფრო ქვის ფილა,რელიფიური ჯვრის გამოსახულებით.

ეკლესიას გააჩნია წარწერა,რომელიც მინაშენის სამხრეთი კედლის ძირად მდებარე ქვაზეა გამოსახული.

ამოკვეთილ ასომთავრულ წარწერაში იხსენიება ეკლესიის მაშენებელი გიორგი ხუცესი (ლარაძე).

ეკლესიის ირგვლივ სასაფლაო და გალავანია.

გომარეთში მოსახლეობას გაცდებით თუ არა არის გზაჯვარედინის მსგავსი სადაც მარჯვნივ დაბლა, გრუნტიან გზაზე ჩაუხვევთ და მიხვალთ კომპლექსამდე, ერთმანეთთან ახლოს ორი ჩასახვევია, და არამთავარ პირველივე შასახვევში უნდა ჩაუხვიოთ და ჩახვიდეთ ხეობამდე, ორიენტაციისთვის კომპლექსი ელექტროგადმცემ კონტრუქციებთან მდებარეობს