გომარეთის (ეგრისის) შავსაყდრების წმ. ნიკოლოზის ეკლესია

კომპლექსი მდებარეობს ქვემო ქართლის მხარეში, დმანისის მუნიციპალიტეტის, სოფელ გომარეთის თემში

კომპლექსს შავსაყდრების კომპლექსი ეწოდება და შედგება სამი ეკლესიისგან, რომელიც ნასოფლარ ეგრისის ტერიტორიაზე მდებარეობს.

წმ. ნიკოლოზის სახ. ეკლესია, იგივე დანგრეული ეკლესია შავსაყდრების კომპლექსის შემადგენელი ნაწილია.

ყველაზე დიდი ეკლესია, რომელიც დროთა განმავლობაში გადაუკეთებიათ, საშუალო ზომის კვადრებითა და კირხსნარითაა აგებული. სამხრეთი შესასვლელის თავზე ერთ ქვაზე ჯვარია გამოსახული. ეკლესია დაზიანებულია: ჩაქცეულია სახურავი და დაფარულია ნანგრევებით. ეკლესიას ეტყობა შელესვისა და მოხატვის კვალი.

გომარეთში მოსახლეობას გაცდებით თუ არა არის გზაჯვარედინის მსგავსი სადაც მარჯვნივ დაბლა, გრუნტიან გზაზე ჩაუხვევთ და მიხვალთ კომპლექსამდე, ერთმანეთთან ახლოს ორი ჩასახვევია, და არამთავარ პირველივე შასახვევში უნდა ჩაუხვიოთ და ჩახვიდეთ ხეობამდე, ორიენტაციისთვის კომპლექსი ელექტროგადმცემ კონტრუქციებთან მდებარეობს