გომარეთის წმ. გიორგის (სამადაანთ) ეკლესია

გომარეთის წმინდა გიორგის ეკლესია მდებარეობს ქვემო ქართლის მხარეში, დმანისის მუნიციპალიტეტის სოფელ გომარეთის ცენტრში.

ეკლესია აგებულია IX-X საუკუნეების მიჯნაზე. წმ. გიორგის დარბაზული ეკლესია ("სამადაანთ ეკლესია") ნახევარწრიული აფსიდით, საკურთხევლის თაღოვანი სწორკუთხა ნიშით, ტრაპეზეს ქვითა და კანკელით. სამშენებლო მასალად გამოყენებულია თლილი ქვა. ეკლესიას ირგვლივ შემოვლებული აქვს ასევე თლილი ქვის პარაპეტი ქართული ჩუქურთმით. სამხრეთის და ჩრდილოეთის მხრიდან დატანებული აქვს ხის კარები. ინტერიერში კარებიდან მარცხენა მხარეს, კედელზე გამოსახულია წმ. გიორგის ფიგურა. ეკლესიაში ხის პატრონიკე ორ თაღედათ იხსნება. ჩრდილოეთ აფსიდის სატრიუმფო თაღი ოდნავ ნალისებრია. კამარის თაღები კრონშტეინულ კაპიტელებს ეყრდნობა. აღმოსავლეთ ფასადი გადაწყობილია. დასავლეთ ფასადს, ცენტრიდან ჩრდილოეთით, ოთხსვეტა სამრეკლო ადგას. კარნიზზე გეომეტრიული ორნამენტია.

ეკლესიის ეზოში არის განსხვავებული მაღალი კულტურული ღირებულების საფლავის ქვები.