გულგულას კვირაცხოვლის ეკლესია

გულგულას კვირაცხოვლის ეკლესია მდებარეობს კახეთის მხარეში, თელავის მუნიციპალიტეტის სოფელ გულგულას ტერიტორიაზე.

გულგულას ეკლესია აგებულია XVI საუკუნეში და ნაგებია აგურით.

ეკლესია ძლიერ დაძიანებული იყო და რამდენიმე წლის წინ იქნა აღდგენილი.

სოფლის ტერიტორია დასახლებული იყო გვიანდელი ბრინჯაოს ხანიდან, რასაც ადასტურებს სოფლის ჩრდილო-აღმოსავლეთით, ე. წ. ოლიების ტყეში გამოვლენილი სამაროვანი, რომელიც გაითხარა 1956-1972. 29 ორმოსამარხში აღმოჩენილი თიხის ჭურჭლის სიმრავლე მიანიშნებს, რომ მოსახლეობის ერთ-ერთი საარსებო წყარო მეთუნეობა უნდა ყოფილიყო. სოფლის სამხრეთ-აღმოსავლეთით, ე. წ. სათვალისწყალზე გაითხარა 20 ორმოსამარხი, რომლებიც არქეოლოგიური მასალის ზოგიერთი თავისებურებით რამდენადმე ადრეული ჩანს.

სოფელში შემორჩენილია სხვადასხვა დროის არქიტექტურული ძეგლები: დიმიაანთ კოშკი (XVIII ს.), გვიანდელი შუა საუკუნეების კვირაცხოვლისა და ყველაწმიდის (განახლებულია XIX ს-ში) ეკლესიები, წმ. გიორგის ეკლესია (XVIII–XIX სს.).

სოფელ გულგულას ტერიტორიის ძველი სახელია ტყეტბა