ილიას ბაღი

ილიას ბაღი (ყოფილი ვარდების ბაღი) თბილისში, აღმაშენებლის გამზირზე მდებარეობს. ის შესანიშნავი ადგილია დასვენებისა და განტვირთვისთვის. ხეებში ჩაფლულ ბაღში მოწყობილია სასეირნო ბილიკები, ფანჩატურები, პატარა აუზები, რაც სასიამოვნო და მიმზიდველ გარემოს ქმნის. პარკში არის საბავშვო ატრაქციონებიც, ასე რომ აქ შეძლებთ ხალისიანი და მრავალფეროვანი დღე გაატაროთ თქვენს პატარებთან ერთად.

აქვეა ღია კინოთეატრი - გრინემა, სადაც თბილი სეზონის დროს კინოჩვენებებს დაესწრებით. ბაღის ერთ-ერთი ღირსშესანიშნაობაა დარბაზი - გარდენ ჰოლი, რომელიც მსუბუქი არქიტექტურითა და ულამაზესი ინტერიერით გამოირჩევა. დარბაზი საჭირო ინვენტარითაა აღჭურვილი და აქ სხვადასხვა ტიპის ღონისძიებების ჩატარება შეიძლება (სემინარები, კონფერენციები, კორპორატიული საღამოების, თეატრალური და მუსიკალური ფესტივალები და სხვა). პარკში არის მაგიდის ჩოგბურთის სათამაშო დარბაზიც. ასევე პარკის გარშემო მრავალ კაფეს, რესტორანსა და სასტუმროს იპოვნით. ბაღის ამწვანებული გარემო და გემოვნებიანი ინფრასტრუქტურა უამრავ ადამიანს იზიდავს. თუ გსურთ მხიარულად გაატაროთ დღე ან სიმშვიდეში სეირნობა და განტვირთვა გაქვთ გადაწყვეტილი ილიას ბაღი ამისთვის ნამდვილად მშვენიერი ადგილია.

თუ საღამოს პარკში სეირნობისას გართობა და დასვენება, ან კარგი კოქტეილის გასინჯვა მოგინდებათ ეწვიეთ ფაბრიკას, სადაც აუცილებლად იპოვით თქვენთვის შესაბამის გასართობს,