ირინეს პარკი ზესტაფონში

ირინეს პარკი იმერეთის მხარეში, ქალაქ ზესტაფონში მდებარეობს, რუსთაველისა და აღმაშენებლის ქუჩებს შორის. ირინეს პარკი XX საუკუნის დასაწყისში ფრანგმა არქიტექტორმა ალბერტ ჟანიმ გააშენა, სახელი კი მისი ქართველი მეუღლის, ირინეს საპატივსაცემოდ დაარქვა. ეს პარკი ზესტაფონის ერთ-ერთი შესანიშნავი ადგილია განტვირთვისთვის. სიმწვანე, ლამაზი ბილიკები, მინდვრები, ატრაქციონები და სპორტული მოედანი სასიამოვნო და ხალისიან გარემოს ქმნის, როგორც ზრდასრულებისთვის, ასევე ბავშვებისთვის. 2011 წელს პარკს რეაბილიტაცია ჩაუტარდა, დღესდღეობით ის კეთილმოწყობილი და მოწესრიგებული ადგილია, სადაც მხიარულად შეძლებთ დროის გატარებას.