ქაქუცა ჩოლოყაშვილის ქუჩა თელავში

ქაქუცა ჩოლოყაშვილის ქუჩა კახეთში, ქალაქ თელავის უძველეს ნაწილში მდებარეობს. იგი ქალაქის ერთ-ერთი გამორჩეული და ლამაზი ქუჩაა. აგურის ძველი, კოხტა სახლები, ულამაზესი მოჩუქურთმებული აივნებით საოცრად მომხიბვლელია და უამრავ ადამიანს იზიდავს. ჩოლოყაშვილის ქუჩაზე შეგიძლიათ მონახულოთ ღვთისმშობლის სახელობის ეკლესია, რომელიც გვიანი შუასაუკუნეების ერთ-ერთი მნიშვნელოვანი ძეგლია. აქვეა განლაგებული რამდენიმე სასტუმრო და რესტორანი, სადაც სასიამოვნოდ დასვენებასა და ტრადიციული სამზარეულოს დაგემოვნებას შეძლებთ. თუკი თელავს ეწვევით, ჩოლოყაშვილის ქუჩაზე აუცილებლად უნდა გაისეირნოთ. სუფთა, მოწესრიგებული, კოხტა ქუჩა ძველი, განსხვავებული არქიტექტურით შესანიშნავ გარემოს ქმნის და მას მრავალი ადგილობრივი თუ ტურისტი სტუმრობს.