კიანეთის სამების ეკლესია

კიანეთის სამების ეკლესია მდებარეობს ქვემო ქართლის მხარეში, ბოლნისის მუნიციპალიტეტის სოფელ კიანეთში, საავტომობილო გზის პირზე.

ეკლესია აგებულია VIII-IX საუკუნეებში. ეკლესიის დარბაზის კამარა ჩანგრეულია. ამჟამად ორფერდად, კრამიტითაა დახურული. აღმოსავლეთ ფასადზე ჩუქურთმიანი სტელაა ჩაყოლებული. აღმოსავლეთ ფასადზე ბოლნური ჯვრებია გამოსახული. ერთ-ერთი ჯვრის თავზე, ასომთავრული წარწერაა. ფასადის მორთულობა: რელიეფი; ცოკოლი, ორსაფეხურიანი; სარკმლის თავსართი; კარი - სწორკუთხა ანუ არქიტრავული; კარი - თაღოვანი შიგნიდან; სარკმელი - თაღოვანი; სარკმელი - სწორკუთხა ანუ არქიტრავული. ეკლესიის ცოკოლის ადგილზე კი V-VII საუკუნის სტელის ქვებია გამოყენებული.