ქვემო ნიჩბისის წმინდა ნიკოლოზის ეკლესია

ქვემო ნიჩბისის წმ. ნიკოლოზის ეკლესია მცხეთა-მთიანეთის მხარეში, მცხეთის მუნიციპალიტეტის სოფელ ქვემო ნიჩბისში მდებარეობს. იგი XVI-XVII საუკუნეებით თარიღდება. XVIII საუკუნეში ეკლესიის ქვედა ნაწილს, გასამაგრებლად, ახალი კედელი შემოაშენეს. ეკლესია ჩახაზული ჯვრის ტიპის ნაგებობას წარმოადგენს. შესასვლელი ერთია - დასავლეთიდან. გუმბათი საკურთხევლის კუთხეებსა და დასავლეთის ორ ბურჯს ეყრდნობა. ამჟამად გუმბათი თითქმის აღარ არსებობს, მხოლოდ ყელის ქვედა ნაწილია შემორჩენილი. 1990-იან წლებში გუმბათი შუშისა და ლითონის კონსტრუქციით გადახურეს. ბურჯები რვაწახნაგაა და სადა კაპიტელები სრულდება. ასეთივე კაპიტელები კაპიტელები აქვს საკურთხევლის კუთხეებსა და გრძივ კედლებზე განლაგებულ ნახევარსვეტებსაც. საკურთხევლის ორივე მხარეს დამხმარე სატავსებია - სადიაკვნე და სამკვეთლოა.