ლეხთაგის ღვთისმშობლის ეკლესია

ლეხთაგის ღვთისმშობლის ეკლესია სვანეთში, მესტიის ერთ-ერთ უბანში, ლეხთაგში მდებარეობს. იგი XIV-XV საუკუნეებს მიეკუთვნება. ტაძარი ორსართულიანი ნაგებობაა, რომლის ქვედა სართულიც სამ სათავსიანი სადგომია. აღმოსავლეთის მხარეს გაჭრილი სესასვლელიდან თითქმის კვადრატულ ოთახში შევდივართ, რომლის თავზეც დგას ეკლესია. კვადრატული ოთახის სამხრეთ კედლიდან გავდივართ შედარებით წაგრძელებულ ოთახში. იგი კამარითაა გადახურული და მის არმოსავლეთის, სამხრეთისა და დასავლეთის კედლებში სარკმლებია განთავსებული. ეს ოთახი კი პირველი ოთახის უკან მდებარე მცირე სადგომს უკავშირდება. ეკლესიის ინტერიერში XV საუკუნის მხატვრობის ფრაგმენტებია შემორჩენილი. საკურთხევლის მეორე რეგისტრში გამოსახულია მარიამ ღვთისმშობელი და ყრმა იესო, რომელსაც ანგელოზები სცემენ თაყვანს. ტაძრის მოხატულობის ქვედა რეგისტრში კი წარმოდგენილია ტაძრის აღმშენებელი დემეტრე ჩართოლანი და პირნათელ ჯაფარიძის ოჯახი.