მეტეხის მეფე დავითის მონასტერი

წმინდა დავით მეფსალმუნის ტაძარი მდებარეობს თბილისში

ტაძრის მშენებლობა დაიწყო 1997 წლის გიორგობას, 6 მაისს, და გიორგობასვე - 2001 წლის 6 მაისს დასრულდა

წმინდა დავით წინასწარმეტყველის ტაძრის მშენებლობის დამფინანსებელი გახლდათ ბიგი ჩხოლარია.

2001 წლის 11 სექტემბერს, იოანე ნათლისმცემლის თავის კვეთის დღეს, ტაძარი აკურთხა და პირველი წირვა-ლოცვა აღავლინა უწმინდესმა და უნეტარესმა, სრულიად საქართველოს კათოლიკოს-პატრიარქმა ილია მეორემ. ტაძარი მოპირკეთდა ნიჩბისისა და ბოდბის ქვით, ასევე გამოყენებულ იქნა ბოლნისისა და ჭოგნარის ქვაც. ტაძრის არქიტექტორია რევაზ ჯანაშია, მშენებლები - გიორგი ბერაია, ზურაბ ალანია და მურთაზ ხვისტანი. ტაძრის მხატვრობა, რომელიც საქართველოს საპატრიარქომ დააფინანსა, ლაშა კინწურაშვილს ეკუთვნის.