ნეკრესის მზის ტაძარი

ნეკრესის მზის ტაძარი კახეთში, ყვარლის მუნიციპალიტეტში მდებარეობს, ნეკრესის მონასტრის მიმდებარედ. იგი ცნობილია დიდი კვადრატის სახელითაც. ნაგებობა I-III საუკუნეებით თარიღდება და წინარექრისტიანულ სატაძრო კომპლექსს წარმოადგენს. ანსამბლი შვიდი დამოუკიდებელი ნაგებობისგან შედგება, რომლებიც კვადრატული ფორმის ზღუდეშია მოქცეული. ნაგებობები ერთმანეთს კორიდორებით უკავშირდება. კვადრატს ჯვრული ხასიათის გეგმარება აქვს. მის შიგნით, თითოეული შესასვლელის პირდაპირ სამ და ოთხსათავსოიანი ბლოკია. თითოეული ბლოკის შემადგენლობაში ერთი აფსიდიანი დარბაზია, რომელიც ცენტრალური შესასვლელის პირდაპირ მდებარეობს. ანსამბლის ჩრდილოეთი და სამხრეთი მხარეებზე განთავსებულია სამნავიანი აფსიდიანი ბლოკები, ხოლო დასავლეთ და აღმოსავლეთ მხარეებზე – ოთხსათავსიანი ნაგებობები. ნაგებობა დღესდღეობით ტითქმის საძირკვლის დონეზეა. ნეკრესის მზის ტაძარი ქართული კულტურის მნიშვნელოვან და უნიკალურ ძეგლს წარმოადგენს, როგორც ისტორიული, ასევე არქიტექტურული თვალსაზრისით.