რელიგიის მუზეუმი

რელიგიის მუზეუმი აჭარაში, ქალაქ ბათუმში მდებარეობს.

ბათუმის რელიგიის მუზეუმი გაიხსნა 2004 წ. თ. კომახიძის (საზოგადო მოღვაწე, აჭარის ა.რ. კულტურის ყოფილი მინისტრი) უშუალო ინიციატივით. პირველი ექსპოზიცია მოეწყო აჭარის ხ. ახვლედიანის სახელობის მუზეუმის ფონდებიდან გადაცემული ექსპონატებით და თვით თ. კომახიძის მიერ მოპოვებული რელიგიური ხასიათის საეკლესიო ნივთებით. 2023 წელს გაიხსნა რეაბილიტირებული რელიგიის მუზეუმი, განახლებული ინტერიერითა და ექსპოზიციით.

მუზეუმის ფონდებში 400 - ზე მეტი ექსპონატი ინახება, რომელიც წარმართული რწმენა-წარმოდგენებიდან დღემდე საქართველოსა და მსოფლიოში გავრცელებული რელიგიების შესახებ მოგვითხრობს.

ექსპოზიციაში წამყვანია სხვადასხვა რელიგიების: იუდაიზმის, ბუდიზმის, ქრისტიანობასა და ისლამთან დაკავშირებული სარიტუალო ნივთები: რელიგიური წიგნები, ხატები, ქანდაკებები, სასულიერო პირთა შესამოსლები და სხვ. მსოფლიოს წამყვან რელიგიებთან დაკავშირებული და ბათუმის უახლესი ისტორიის ამსახველი მრავალფეროვნი არტეფაქტების გაცნობა ხაზს უსვამს ჩვენი კუთხის რელიგიურ მრავალფეროვნებას, ტოლერანტულ ბუნებასა და მულტიკულტურალიზმს.

მუზეუმის კოლექციების მოკლე აღწერა:

ექსპოზიციაში წამყვანია სხვადასხვა რელიგიების: იუდაიზმის, ბუდიზმის, ქრისტიანობასა და ისლამთან დაკავშირებული სარიტუალო ნივთები: რელიგიური წიგნები, ხატები, ქანდაკებები, სასულიერო პირთა შესამოსლები და სხვ. მსოფლიოს წამყვან რელიგიებთან დაკავშირებული და ბათუმის უახლესი ისტორიის ამსახველი მრავალფეროვნი არტეფაქტების გაცნობა ხაზს უსვამს ჩვენი კუთხის რელიგიურ მრავალფეროვნებას, ტოლერანტულ ბუნებასა და მულტიკულტურალიზმს.

გამოფენები: რელიგიის მუზეუმი ინტერკულტურულ ღონისძიებებს, ღია ლექციებს, გამოფენებს, კონფერენციებსა და კლასიკური მუსიკის საღამოებს მასპინძლობს, ჩვენი თანამოქალაქეებისა და უცხოელი ვიზიტორებისათვის.

საგანმანათლებლო პროგრამები:

• სამყაროს შექმნა
• ნაქარგობანი რელიგიაში
• ძველი ბათუმის ისტორია

სერვისები :

• განსხვავებული საექსპოზიციო კონცეფცია ტოლერანტობა და მულტიკულტურალიზმი
• ომფორტული გარემო და მოსასვენებელი სივრცე
• Qr კოდიზაცია
• 3D ვირტუალური სათვალე
• ექსკურსიები ქართულ, ინგლისურ, რუსულ ენაზე
• ვირტუალური ტური
• საგანმანათლებლო პროგრამები
• უფასო ინტერნეტი

მუზეუმის მთლიანი ფართობი: 400 კვ/მ

მუზეუმის მუშაობის განრიგი: ყოველდღე, 10 სთ-დან – 18 სთ-მდე.

( გარდა ოფიციალური დღესასწაულებისა)