საყინულე

საყინულე — ბუნებრივი გამოქვაბული რაჭაში, ამბროლაურის მუნიციპალიტეტში, სოფელ ნიკორწმინდიდან 3 კმ-ში, ზღვის დონიდან 1200 მეტრზე. გამომუშავებულია ქვედაცარცულ კირქვებში. გამოქვაბულში გვხვდება ყინულის სტალაქტიტები, სტალაგმიტები, საუკუნოვანი ყინულის სვეტები (ზოგი სვეტის სიმაღლეა 8 მეტრი, ხოლო გარშემოწერილობა 20 მეტრი და კასკადები.

საყინულე - კლდეში შეჭრილი ღრმა გამოქვაბული, ბუნებრივი ჭა, სადაც წლის ნებისმიერ დროს ტემპერატურა ნული გრადუსია, კლდიდან  გამონაჟონი წყლის წვეთები კი მიწაზე დაცემისთანავე ყინულად იქცევა.

როგორ მივიდეთ

საყინულე სოფელ ნიკორწმინდასთან მდებარეობს, ნიკორწმინდის ეკლესიის მოპირდაპირე მხარეს მიმავალ გზაზე 3 კმ-ში. სოფლიდან მიუყვება გრუნტიანი გზა 2.5 კმ-ზე, ბოლო ნახევარი კმ კი არის საფეხმავლო ბილიკი. ნიკორწმინდიდან საყინულემდე გზად არის ნიშნულები.