სათხილამურო კურორტი ბაკურიანი

სათხილამურო კურორტი ბაკურიანი

სათხილამურო კურორტი ბაკურიანის შესახებ


საუკეთესო პერიოდი: ზამთარი

სად მდებარეობს სათხილამურო კურორტი ბაკურიანი?

სათხილამურო კურორტი ბაკურიანი თრიალეთის ქედის ჩრდილოეთ კალთაზე, ბორჯომის მუნიციპალიტეტში, ზღვის დონიდან 1700 მეტრზე მდებარეობს. ბაკურიანი თბილისიდან დაახლოებით 180 კილომეტრში, ხოლო ბორჯომიდან 30 კილომეტრის დაშორებითაა. ბაკურიანის კლიმატი სამკურნალო თვისებებით გამოირჩევა და  ამ მიზეზით, ბაკურიანში ყოველ სეზონზე ბევრი დამსვენებელია. იანვარი და თებერვალი ზამთრის სეზონისთვის საუკეთესო თვეა. ამ პერიოდში თოვლის რაოდენობა და ხარისხი საუკეთესოა.


როგორ მოვხვდეთ ბაკურიანში?

ბაკურინში ჩასვლა თბილისიდან დაახლოებით 2 საათშია შესაძლებელი. მოგზაურები საკუთარი მანქანით ან მიკრო ავტობუსებით მიდიან კურორტზე. მიკრო ავტობუსები დიდუბიდან და სადგურის მოედნიდან გადიან. სანამ ბაკურიანში ჩახვალთ, ბორჯომამდე გზა ყოველთვის გაწმენდილია თოვლისგან. ბაკურიანის გზა ზოგჯერ თოვლით ან ყინულითაა დაფურული, ამიტომ მანქანით მგზავრობისას აუცილებელია ზამთრის საბურავები. ასევე, შესაძლებელია სადგურის მოედნიდან ბორჯომამდე მიკრო ავტობუსით ან მატარებლით იმგზავროთ, შემდეგ კი ბორჯომი-ბაკურიანის "კუკუშკას" გაყვეთ. "კუკუშკა" პატარა მატარებელია, რომელიც ბაკურიანისკენ მისასვლელ ულამაზეს გზას გადის.


სასრიალო ტრასები

ბაკურიანი, როგორც სათხილამურო კურორტი 1935 წელს დაარსდა. აქ ძირითადად 23 განსხვავებული სახის სასრიალო გზებია, რომლებიც მოთხილამურის დონეების მიხედვით იყოფა. დამწყებ, საშუალო დონისა და გამოცდილ მოთხილამურეებს შეუძლიათ ისრიალონ ბაკურიანის სასრიალო ტრასებზე. თუმცა, უნდა აღინიშნოს, რომ ბაკურიანი პროფესიონალი მოთხილამურისთვის არ არის იდეალური ადგილი, რადგან თოვლის ხარისხი და რაოდენობა შედარებით ნაკლებია ბაკურიანში, ვიდრე სხვა საქართველოს სათხილამურო კურორტებზე. ამიტომაც, სათხილამურო კურორტი ბაკურიანი უფრო დამწყები და საშუალო დონის მოთხილამურისთვის არის რეკომენდებული.

ბაკურიანში 5 სასრიალო ტრასაა. ფუნიკულიორი და საბაგიროები მუშაობს დილის 10 საათიდან შუადღის 5 საათამდე. დიდველის სასრიალო ტრასა განსაკუთრებული ადგილია მოთხილამურეებისთვის, რადგანაც ტრასას მთელ სიგრძეზე მიუყვება ფერად-ფერადი განათებები. მოგზაურები ყოველ შაბათ-კვირას დადიან ღამის სრიალზე, რომელიც შუადღის 5 საათზე იწყება და საღამოს 10-ის ნახევრამდე გრძელდება.


ინფრასტრუქტურა

ბაკურიანში დასვენება შედარებით იაფია და ძვირი არ ღირს სხვა კურორტებთან შედარებით. დაბალბიუჯეტიანი დასვენება შესაძლებელია საოჯახო სასტუმროებში დარჩენით. ამასთანავე, ბინის ქირაობა კარგი ვარიანტია, რომელიც კომფორტულ გარემოს შეგიქმნით. ახალი წლის პერიოდში და შობას ფასები შედარებით მაღალია. პროდუქტის ფასები კი ჩვეულებრივია, როგორც დედაქალაქში.


რაც ყველაზე მთავარია, ბაკურიანს ბევრი უპირატესობა გააჩნია სხვა კურორტებთან შედარებით. ბაკურიანი მდიდარია გასართობი და რეკრეაციული აქტივობებით. ბაკურიანში უამრავი რესტორანი, გასართობი პარკი, ყინულის მოედანი, მარხილები თუ თოვლის სკუტერებია. სუპერმარკეტები ქალაქის ყველა წერტილში მდებარეობს, რომელიც ყოველდღიური მარტივი დასვენებისთვის მნიშვნელოვანი ფაქტორია. შეიძლება ითქვას, რომ ოჯახური არდადეგების მოსაწყობად ბაკურიანი იდეალური ადგილია, სხვა სათხილამურო კურორტებისგან განსხვავებით აქ სრიალის გარდა უამრავი გასართობია, როგორც ბავშვებისთვის ისე უფროსებისთვის.

მთავარი უარყოფითი მხარე ბაკურიანის არის ის, რომ აქ თოვლის ხარისხი შედარებით დაბალია და მისი ფერდობები პროფესიონალებს ნამდვილად ვერ მოხიბლავს. გასაქირავებელი სათხილამურო აღჭურვილობა უმეტესად ძალიან ცუდ მდგომარეობაშია, ამიტომ უმჯობესია თუ დამსვენებლები საკუთარი აღჭურვილობით ესტუმრებიან კურორტს.


მოკლედ, რომ გითხრათ ბაკურიანი იდეალური სამთო-სათხილამურო კურორტია გართობისა და დასვენებისთვის. არსებითი მნიშვნელობა არ აქვს მარტო იქნები, მეგობრებთან თუ ოჯახის წევრებთან ერთად,  კურორტი ბაკურიანი შენი მომავალი სათაგადასავლო ისტორიების ადგილია.


თუ გსურთ, მიიღოთ უახლესი ინფორმაცია საქართველოს ნებისმიერი სამთო-სათხილამურო კურორტის შესახებ, გადმოწერეთ აპლიკაცია საქრთველოს მთის კურორტები:

მდებარეობა
41.746942, 43.492898
მანძილი დედაქალაქიდან
180 კმ
რეკომენდებული დრო
5 დღე
იხილეთ ასევე

იხილეთ ასევე

ციხისჯვარი - ისტორიული ციხესიმაგრე სამხრეთ საქართველოში, ბორჯომის მუნიციპალიტეტში, მდინარე შავწყალას სათავეებთან, სოფელ ციხისჯვარში.ციხისჯვარის ციხისგ...

დაბის წმინდა გიორგის სახელობის ეკლესია მდებარეობს სოფელ დაბაში, ბორჯომის მუნიციპალიტეტში. იგი საქართველოში ერთ–ერთი უძველესი და უძლიერესი სალოცავია, რ...

წეროს ტბა - ტბა საქართველოში, რომელიც მდებარეობს ბორჯომის მუნიციპალიტეტში, სოფელ დაბაძველში, კახისის ტბის სიახლოვეს, ზღვის დონიდან 1808 მეტრ სიმაღლეზე...

პეტრეს ციხე მდებარეობს აღმოსავლეთ საქართველოში, ბორჯომის მუნიციპალიტეტში, სოფელ ლიკანის პირდაპირ, მდინარე მტკვრის მარჯვენა ნაპირზე, მაღალ კლდოვან მთაზ...

გოგიას ციხე ბორჯომის ტერიტორიაზე არსებული ისტორიული ძეგლებიდან ერთ-ერთი ღირსშესანიშნავი ციხეა. იგი განლაგებულია ბორჯომის ჩრდილო-დასავლეთ ნაწილში და გა...

მწვანე მონასტერი (ჩითახევის წმინდა გიორგის მონასტერი) ქ. ბორჯომიდან რამოდენიმე კილომეტრში, სოფ.ჩითახევის მახლობლად, დაბურული ფოთლოვანი ტყის შუაგულში მ...

ფოთოლეთის ეკლესია და მონასტერი ერთ-ერთი უძველესია ბორჯომის მუნიციპალიტეტის, სხვა მრავალ ისტორიულ ძეგლს შორის. მისი მონახულების მიზეზი, მხოლოდ მდიდარი ...

მდებარეობაახალდაბის ციხე, იგივე თამარის ციხე, მდებარეობს ბორჯომის მუნიციპალიტეტში, დაბა ახალდაბის ცენტრში, მტკვრის მარჯვენა სანაპიროზე, მთის წვერზე. ა...

დვირის ციხე ბორჯომის რაიონის ისტორიული ძეგლებიდან ერთ-ერთი მნიშვნელოვანი ობიექტია. ციხესიმაგრის ნანგრევები მდებარეობს სოფელ დვირის დასავლეთით, მდინარე...

დემოთის ციხე - ისტორიული ციხესიმაგრე, რომელიც მდებარეობს სამცხეში, ბორჯომის მუნიციპალიტეტში, სოფელ ქვაბისხევთან, ფერსათის მთის ძირას, ნაშენი ციცაბო კლ...

review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე

დასვი კითხვა

შეაფასეთ ადგილი

საშინელი!

ცუდი!

კარგი!

ძალიან კარგი!

შესანიშნავი!