თავკავთას წმ. გიორგის ეკლესია

თავკავთას ეკლესია მდებარეობს შიდა ქართლის მხარეში, კასპის მუნიციპალიტეტის სოფელ წინარეხის მიმდებარედ. ტაძარი აგებულლია XII-XIII სს მიჯნაზე.

ეკლესია მდებარეობს თავკავთას (კავთის) ციხე-გალავნის აღმოსავლეთით, კონცხის ციცაბო კალთაზე ამოყვანილია საყრდენი კედელი ნახევარწრიული კონტრფორსებით. შექმნილ ბაქანზე დგას წმინდა გიორგის XIII ს-ის დარბაზული ეკლესია (14,5X8,5 მ). ნაგებია ქვიშაქვის კვადრებითა და აგურით. შესასვლელი სამხრეთიდანაა. ნახევარწრიულ აფსიდაში ერთი თაღოვანი სარკმელია. თითო სარკმელია დასავლეთისა და ჩრდილოეთის კედლებში. ორი – სამხრეთ კედელში. XIV-XV სს-ში ეკლესია შეუკეთებიათ და მოუხატავთ. ეკლესია სამხრეთიდან შემოზღუდული ყოფილა გალავნით, რომელშიც გეგმით კვადრატული კარიბჭე იყო ჩართული.