ტნუსის მალხაზის ეკლესია

ტნუსის "მალხაზის" ეკლესია მდებარეობს ქვემო ქართლის მხარეში, დმანისის მუნიციპალიტეტის სოფელ ტნუსის მიმდებარედ, მდ. მაშავერას ხეობაში, ხეობის ფერდზე. ეკლესია ნაგებია ბაზალტის ქვით, ის დაზიანებულია და კონსერვაცია/რესტავრაციას საჭიროებს.

"მალხაზის" ეკლესია აგებული უნდა იყოს X-ში, ეკლესიის გარშემო მაღალი კულტურული ღირებულების საფლავის ქვებია.

სოფელი მოხსენიებულია ვახუშტი ბატონიშვილის „საქართველოს გეოგრაფიასა“ და იოანე ბატონიშვილის 1794-1799 წლების „ქართლ-კახეთის აღწერაში“. სოფელის სახელწოდება „დუნუსი“ (დნუსი) დაფიქსირებულია 1898 წლის რუსეთის ერთვერსიან რუკაზე «Дунусъ» სახით.