თვალადის წმინდა ნიკოლოზის ეკლესია

თვალადის წმინდა ნიკოლოზის ეკლესია მდებარეობს შიდა ქართლში, კასპის მუნიციპალიტეტის სოფელ თვალადში. თარიღდება XVI ს-ით.

წმ. ნიკოლოზის ეკლესიას მეფის საყდარსაც უწოდებენ, რადგან იგი არჩილ მეფის სასახლესთან მდგარა (ამჟამად სასახლე აღარაა შემორჩენილი). ეკლესია დარბაზული ტიპისაა, ნაგებია დიდი ზომის უხეშად დაკუთხული და პირმოსწორებული ქვებით. ოდნავ გაბრტყელებულ ნახევარწრიულ აფსიდში თაღოვანი სარკმელია, მის გვერდებზე - თითო სწორკუთხა ნიში. ეკლესიას ორი შესასვლელი აქვს: დასავლეთით და ჩრდილოეთით.

ეკლესია დაზიანებული იყო და რამდენიმე წლის წინ იქნა აღდგენილი.