დიხაშხოს წმინდა პეტრესა და პავლეს ტაძარი

დიხაშხოს წმინდა პეტრესა და პავლეს სახელობის ტაძარი იმერეთის მხარეში, ვანის მუნიციპალიტეტის სოფელ დიხაშხოში მდებარეობს. იგი აგებულია XXI საუკუნეში და დარბაზულ ნაგებობას წარმოადგენს, რომელიც აღმოსავლეთით ნახევარწრიული აფსიდით სრულდება. საკურთხევლის იატაკი, მთავარი დარბაზის იატაკთან შედარებით, ერთი საფეხურით ამაღლებულია. ეკლესიას ორი შესასვლელი აქვს, დასავლეთიდან და სამხრეთიდან. ნაგებობას დასავლეთის მხრიდან აქვს კარიბჭე თაღოვანი შესასვლელით, რომლის თავზეც რელიეფური დეკორია მოთავსებული. ტაძარი შიგნიდანაც და გარედანაც შელესილია. კანკელი მოხატულია. ეკლესიის ეზოში დგას ლითონისგან აგებული, მცირე ზომის სამრეკლო.

როგორ მივიდეთ

სოფელი დიხაშხო იმერეთის მხარეში, ვანის მუნიციპალიტეტში მდებარეობს, მდინარე სულორის ნაპირზე, ვანიდან 6 კმ-ის დაშორებით. სოფელში მიდის სამანქანო გზა.