გალერია თბილისი

გალერია თბილისი თავისუფლების მოედანზე მდებარეობს. იგი თბილისის ერთ-ერთი ყველაზე ხალხმრავალი და პოპულარული სავაჭრო ცენტრია. აქ განთავსებულია მრავალი ცნობილი ბრენდის მაღაზია, როგორიცაა ლივაისი, ლაკოსტი, კარლ ლაგერფილდი და ა.შ. სავაჭრო ცენტრში არის ქართველი დიზაინერების კუთხეც, სადაც ორიგინალურ და საინტერესო ნამუშევრებს იპოვნით. გალერია თბილისში შეგიძლიათ შეიძინოთ ტანსაცმელი, სპორტული აღჭურვილობა, საოჯახო ტექნიკა, აქსესუარები და სხვა. ეს სივრცე არამხოლოდ შოპინგის მოყვარულებს იზიდავს, გალერიაში კულტურული და გასართობი სივრცეებიცაა. გალერია თბილისში მოქცეულია თავისუფალი თეატრი, გრიბოედოვის თეატრი, კინოთეატრი კავეა და ბოულინგის დარბაზი. აქ ასევე არის საბავშვო გასართობი ცენტრი - რია რია, სადაც თქვენი პატარები მხიარულად გაატარებენ დროს. ერთ სივრცეში გაერთიანებული სავაჭრო ზონები, გასართობი დაწესებულებები, კაფეები და სხვადასხვა სახის მომსახურება მრავალფეროვან გარემოს ქმნის და ნებისმიერი ასაკის მომხმარებელთა ინტერესებს ითვალისწინებს. სავაჭრო ცენტრში განთავსებულია კაფეები, რესტორნები და სწრაფი კვების ობიექტები, სადაც გემრიელი კერძების დაგემოვნებას შეძლებთ. გალერია თბილისი 8 სართულისგან შედგება. -1 სართულზე განლაგებულია მაღაზიები, ბანკი, სილამაზის სალონი, აფთიაქი და სხვა სერვისები, 0 სართულზე - გრიბოედოვის თეატრი, მაღაზიები და სხვადასხვა სერვისები, 1-ლ სართულზე მაღაზიები და 3D ფეინთერი, მე-2 სართულზე - თავისუფალი თეატრი და მაღაზიები, მე-3 სართულზე - საბავშვო გასართობი ცენტრი და მაღაზიები, მე-4 სართულზე - საბავშვო გასართობი ცენტრი და კვების ობიექტები, მე-5 სართულზე - კინოთეატრი კავეა და ბოულინგის დარბაზი, მე-6 სართულზე - კინოთეატრი კავეა. ეს მრავალფუნქციური და კეთილმოწყობილი სავაჭრო ცენტრი შესანიშნავ სივრცეს გთავაზობთ, როგორც შოპინგისთვის, ასევე მეგობრებთან თუ ოჯახთან ერთად გასართობად და განტვირთვისთვის.