განძანის ნათლისმცემლის ეკლესია

განძანის ნათლისმცემლის ეკლესია მდებარეობს ჯავახეთში, ნინოწმინდის მუნიციპალიტეტში, თემის ცენტრი (განძანი, საღამო). მდებარეობს ჯავახეთის ზეგანზე, ფარავნის ტბის სამხრეთით, მდინარე ფარავნის ორივე ნაპირზე. ზღვის დონიდან 2020 მ. ნინოწმინდიდან დაშორებულია 22 კმ-ით.

სოფელი განძანი გამოირჩევა არქიტექტურული ძეგლების სიმრავლით, აქ ვხვდებით ქართული ხუროთმოძღვრების არაერთ უნიკალურ ნიმუშს, მათ შორის ერთ-ერთი გამორჩეულია XIII საუკუნის იოანე ნათლისმცემლის ეკლესია.

პატარა ზომის დარბაზული ეკლესია. აგებულია სხვადასხვა ფორმის, კარგად თლილი, მოწითალო ფერის ქვებით. ფასადები სადაა, მორთულობის გარეშე. შესასვლელი აქვს სამხრეთის მხრიდან, ორი სარკმელი სამხრეთის და აღმოსავლეთის მხრიდან. სახურავი დაბეტონებულია.