გარიყულა

სოფელი გარიყულა შიდა ქართლის მხარეში, კასპის მუნიციპალიტეტში მდებარეობს, ზღვის დონიდან 700 მეტრზე. ქართლის მშვენიერი ხედები და ლამაზი ბუნება მომხიბვლელობას სძენს სოფელს. გარიყულაში შემორჩენილია რამდენიმე კულტურული ძეგლი, აქ შეგიძლიათ მოინახულოთ IX-X საუკუნეების ფავნისის წმინდა გიორგის ეკლესია, გვიანი შუასაუკუნეების დარბაზული ეკლესია და კოშკი. ყურადღებას იქცევს და დიდი პოპულარობით სარგებლობს არტ-ვილა გარიყულა, 1885 წელს აგებულ ბოლგარსკის სასახლეშია მოწყობილი. არტ-ვილაში ტარდება შეხვედრები, სემინარები და ფესტივალები. დიდი ეზო, ლამაზი გარემო და საინტერესოდ, შემოქმედებითად მოწყობილი ვინტაჟური სახლი მრავალ ხელოვნებით დაინტერესებულ ადამიანს იზიდავს. არტ-ვილა გარიყულაში ყოველწლიურად ტარდება ძმები ზდანევიჩების სახელობის თანამედროვე ხელოვნების საერთაშორისო ფესტივალი Fest I Nova. ფესტივალში მონაწილეობას იღებენ როგორც ქართველი, ასევე უცხოელი ხელოვანები.