გიორგი გერგედავა

დავიბადე და გავიზარდე თბილისში. დედაქალაქს ძალიან კარგად ვიცნობ და შემიძლია გაგიზიაროთ საუკეთესო ადგილები საჭმელად, სასმელად  და გასართობად.

ბოლო რამდენიმე წელია ვარ დამოუკიდებელი ტურისტული მეგზური.  სტუმრებს (ევროპა, ახლო აღმოსავლეთი, აზია) ვაცნობ ულამაზეს საქართველოს, ვაჩვენებ სუნთქვის შემკვრელ ხედებს (მთის ტურები: მესტია, უშგული; ზღვისპირეთში - ბათუმი) და ვეხმარები უნიკალური გამოცდილების მიღებაში (პარაპლანით ფრენა, თხილამურებით ან სნოუბორდით სრიალი; ლაშქრობა ყაზბეგში, ანანურში და გუდაურში; ღვინის ტურები: მოგზაურობა კახეთში, ღვინის დაგემოვნება, მონაწილეობა რთველში; წყლის სკუტერით გასეირნება  და ნავით მოგზაურობა აჭარაში).

შემიძლია მოგემსახუროთ საკუთარი კომფორტული ჯიპით, რომელიც იტევს 4-5 ადამიანს ბარგთან  და საჭიროების შემთხვევაში აღჭურვილობასთან ერთად. 

მაქვს კავშირები პროფესიონალ ფოტოგრაფებთან, რომლებიც შეძლებენ შექმნან თქვენი მოგზაურობის ხარისხიანი ფოტო ვიდეო მასალა.

ვმუშაობ მთელი წლის განმავლობაში.