სად მდებარეობს საათხილამურო კურორტი გუდაური?
სათხილამურო კურორტი გუდაური ყაზბეგის მუნიციპალიტეტში, ზღვის დონიდან 2200 მეტრზე მდებარეობს. გუდაური თბილისიდან დაახლოებით 120 კილომეტრშია. ზამთრის სეზონი გუდაურში დეკემბრიდან მარტამდე გრძელდება.
როგორ მოვხვდეთ გუდაურში?
კურორტი გუდაური თბილისიდან 2 საათის სავალ გზაზე მდებარეობს. გუდაურში ჩასვლა შესაძლებელია მანქანით ან მიკრო ავტობუსით. მიკრო ავტობუსები დიდუბის ავტოსადგურიდან დადიან. გუდაურის გზა თოვლისგან ყოველთვის გაწმენდილია და ნებისმიერი ავტომანქანით ჩასვლა მარტივად არის შესაძლებელი. თუმცა დიდთოვლობის დროს გზაზე წესდება შეზღუდვები და გადაადგილება მხოლოდ მოცურების საწინააღმდეგო ჯაჭვებით არის ნებადართული.
სასრიალო ტრასები
გუდაურში არსებული ბუნებრივი პირობები, სამთო-სათხილამურო კურორტის შექმნის მთავარი წინაპირობა აღმოჩნდა. პირველი საბაგირო გზა 1988 წელს აშენდა. დღეისათვის გუდაურში 14 საბაგირო გზაა და მათგან უმეტესი ცნობილი ავსტრიული კომპანიის „ დოპელმაიერის“ აშენებულია. ქვედა საბაგირო ზღვის დონიდან 1993 მეტრზე, ხოლო ზედა 3276 მეტრზე მდებარეობს. საბაგიროები მუშაობს ყოველდღე 10:00 დან 16:00 საათამდე.
გუდაურის სასრიალო ტრასები ყველა დონის მოთხილამურისთვის არის განკუთვნილი. სასრიალო გზის სრული მანძილი 70 კილომეტრია, რომელიც 20 სასრიალო ტრასას მოიცავს. სასრიალო ტრასები ძირითადად 4 სხვადასხვა სახის სირთულისაა: დამწყები, საშუალო დონის, გამოცდილი და პროფესიონალი. გუდაური გაუკვალავ თოვლში სრიალის მოყვარულთათვის ხელსაყრელი ადგილია. მისი დახრილი ფერდები ამის საშუალებას იძლევა. გუდაურში ჰავა მშრალია, ხოლო თოვლის საფარი 1-2 მეტრს აღწევს.
ინფრასტრუქტურა
გუდაურში საკმაოდ ბევრი სასტუმროა, მაგრამ თითქმის ყველა გათვლილია მაღალბიუჯეტიანი მოგზაურებისთვის. აქ ორკაციანი ნომერი საშუალოდ 100$ ღირს, ფასები კიდევ უფრო მაღალია ახალ წელს. აქ კვების ობიექტებიც საკმაოდ მრავლად არის. ზოგიერთი მათგანი პირდაპირ სასრიალო ტრასების გვერდით არის განთავსებული. ეს საკმაოდ კომფორტულია, მოსრიალეს შეუძლია ნებისმიერ დროს შეიაროს ლანჩზე, მაგრამ თითქმის ყველა რესტორანში ბევრი ხალხი, ძალიან მაღალი ფასები და ცუდი მომსახურებაა.
უსაფრთხო სრიალი
2016 წლიდან, გუდაურის სამთო-სათხილამურო კურორტში მოთხილამურე პატრულები დამსვენებლების უსაფრთხოებას უზრუნველყოფენ. მათ გააჩნიათ შესაბამისი აღჭურვილობა და უნარები პირველადი სამედიცინო დახმარების ჩასატარებლად.
გუდაურის სამთო-სათხილამურო კურორტი მხოლოდ 30 წელია არსებობს. დღეისათვის კი მისი განვითარების გეგმა, კურორტის პოპულარულობას ზრდის საქართველოში და საქართველოს ფარგლებს გარეთაც. გუდაური სთავაზობს უამრავ შესაძლებლობებსა და აქტივობებს მის დამსვენებლებს.
გუდაურის მთავარი უპირატესობა თბილისთან სიახლოვე და ტრასების მრავალფეროვნებაა. ამის გამო გუდაური საუკეთესო ადგილად იქცა შაბათ-კვირის გასატარებლად თბილისელებისთვის. აქ ხშირად ერთი დღითაც ჩადიან, საკუთარი მანქანით შეგიძლიათ გახვიდეთ დილის 8 ზე, ისრიალოთ და საღამოს 7 ზე უკვე თბილისში იქნებით.
გუდაურის უარყოფითი მხარე ბევრი ხალხი და მაღალი ფასებია. შაბათ-კვირას ტრასები ყოველთვის გადატვირთულია, საბაგიროებთან და სალაროებთან დიდი რიგებია. სასტუმროსა და რესტორნის ფასები გაცილებით მაღალია ვიდრე სხვა კურორტებზე. ადგილობრივები ქართველ დამსვენებლებს ცუდად ეპყრობიან, რადგან მათგან ნაკლებ შემოსავალს ელიან. აქ უფასო პარკირებაც კი არ არსებობს და მანქანის გასაჩერებლად ფულის გადახდა მოგიწევთ. ასე რომ, თუ გაქვთ საკმარისი დრო გირჩევთ ეწვიოთ სათხილამურო კურორტ გოდერძის ან ჰაწვალს.
თუ გსურთ, მიიღოთ უახლესი ინფორმაცია საქართველოს ნებისმიერი სამთო-სათხილამურო კურორტის შესახებ, გადმოწერეთ აპლიკაცია საქრთველოს მთის კურორტები:
GEO 
ENG 
RUS 
ავტორიზაცია
კითხვის დასამატებლად გთხოვთ, გაიაროთ ავტორიზაცია
დასვი კითხვაCan I know for a charge of ski school for a beginner?
Hello, the prices differ at different schools. However, what will be the common price for the next season we do not know yet.
Hello; is it possible to ski in April? We are looking at coming from the 20th - 26th April? Will it be possible to ski?
Thank you
Hello, we think at that time the ski resort will be closed.
ვაპირებ გუდაურში ჩამოსვლას 2 აპრილს 10 აპრილამდე. იქნება თუ არა ამ პერიოდში სათხილამურო სეზონი?
Good day
Is the ski resort open now?
Would like to make a booking 1st October to 2nd October 2021.
Thank you
Thank you
Hello, the ski season has not began yet. However there are hotels functioning in Gudauri at this time of the year too. But you can't ski, because there is no snow yet.
Gudauri ski resort rating https://www.topskiresort.com/results/Gudauri
if you skiing in Gudauri, please rate him
გამარჯობათ, სად შემიძლია მულტიქარდის შეძენა.
გამარჯობა, ლიკა.
სკიპასების გაყიდვის წინასწარი აქცია 20 ნოემბერს დასრულდა.
გაყიდვები გაგრძელდება სათხილამურო კურორტების სალაროებში, სეზონის გახსნასთან ერთად.
P.S. ასევე გაითვალისწინეთ, რომ აქ მოცემულია გასული სეზონის ფასები, რაც შესაძლოა განსხვავდებოდეს ამ სეზონის ტარიფებისგან. ფასების ახალ ცხრილს მოგვიანებით დავდებთ.