გომარეთის კვირაცხოვლის ეკლესია

გომარეთის კვირაცხოვლის ეკლესია მდებარეობს ქვემო ქართლის მხარეში, დმანისის მუნიციპალიტეტის სოფელ გომარეთის ტერიტორიაზე.

კვირაცხოვლის ეკლესია (9,2X5,7 მ) დგას დიდი გომარეთის ჩრდილოეთით, მთაზე. ნაგებია თლილი ქვით. სამხრეთ ფასადზე ამოკვეთილია ასომთავრული წარწერა: „ქრისტე ესე საყდარი კავირისა ცხოველის დაქცეული იყო, მე ავაგე მეუნაგრე შავლამა...“ ეკლესია თარიღდება XII-XIII სს-ით. („ქართლის ცხოვრების ტოპოარქეოლოგიური ლექსიკონი“, გ. გამყრელიძე, დ. მინდორაშვილი, ზ. ბრაგვაძე, მ. კვაჭაძე და სხვ. (740გვ.))

ეკლესიას ასევე უწოდებენ „ხიზანაანთ კვირაცხოველი” (აღდგომის ეკლესია ,"ურუმაანთ" ეკლესია ,"მარიამი")

საქართველოს კულტურული მემკვიდრეობის დაცვის სააგენტოს საიტის მიხედვით მისი სახელწოდებაა - ეკლესია (ხიზანაანთ) - #6105.

ეკლესიის ეზოში დიდი სასაფლაოა, სადაც ისტორიული, მაღალი კულტურული ღირებულების საფლავის ქვებია.