გრიგოლეთი

კურორტი გრიგოლეთი გურიაში, ლანჩხუთის მუნიციპალიტეტში მდებარეობს, გურიის დაბლობზე, შავი ზღვის პირას, ზღვის დონიდან 3 მეტრზე. იგი ერთ-ერთ პოპულარულ დასასვენებელ ადგილს წარმოადგენს და მრავალი ტურისტი თუ ადგილობრივი სტუმრობს. თუკი მოლივლივე ზღვის, ქვიშიანი, მზიანის სანაპიროს და შოკოლადისფერი რუჯის მოყვარული ხართ და კომფორტული დასვენება გსურთ გრიგოლეთი ამისთვის შესანიშნავი ადგილია. იგი ზღვისპირა კლიმატური კურორტია, რომელიც სამკურნალო თვისებების მქონე მაგნიტური ქვიშის პლაჟით გამოირჩევა. ჰავა სუბტროპიკულია, რბილი, უთოვლო ზამთრითა და ცხელი ზაფხულით. კურორტს მომხიბვლელობას სძენს ასევე მრავალწლოვანი ფიჭვნარი. სიმწვანე, კეთილმოწყობილი ინფრასტრუქტურა, კომფორტული სასტუმროები და უსასრულო, ზურმუხტისფერი ზღვა ზღაპრულ გარემოს ქმნის მრავალფეროვანი დასვენებისა და განტვირთვისთვის.