ხოვლის შესახებ

საუკეთესო პერიოდი: ყველა სეზონი

სოფელი ხოვლე შიდა ქართლის მხარეში, კასპის მუნიციპალიტეტში მდებარეობს, ზღვის დონიდან 720 მეტრზე. ეს ისტორიული სოფელია ულამაზესი ბუნებითა და საინტერესო კულტურული ძეგლებით. წერილობით წყაროებში ხოვლე პირველად XI საუკუნეში იხსენიება. მთები, ტყეები, გაშლილი სივრცეები, ულამაზესი მინდვრები, შუასაუკუნეების ტაძრები და სათავდაცვო ნაგებობები უამრავ ტურისტს იზიდავს. ხოვლე შესანიშნავი ადგილია როგორც ბუნების მოყვარულთათვის, ასევე კულტურით დაინტერესებული ადამიანებისთვის. ქართლის მშვენიერი ხედების, მშვიდი, ჰარმონიული გარემოსა და ისტორიული ძეგლების ერთობლიობა საინტერესო და მომხიბვლელია მოგზაურთათვის. ხოვლეში შეგიძლიათ მოინახულოთ წმ. გიორგის ეკლესია, კვართის წმ. გიორგის ეკლესია, ხოვლეს კოშკი, ცილინდრული კოშკი, აკვედუკი “ქვახიდა”, არქეოლოგიური ძეგლი - ხოვლეგორა და სხვა.


ისტორია

სოფელ ხოვლეს ტერიტორიაზე ადამიანის ცხოვრების კვალი უძველესი დროიდან იწყება. სოფელში აღმოჩენილია ბრინჯაოსა და ანტიკური პერიოდის სამაროვნები და ნამოსახლარები. ისტორიულ წყაროებში ხოვლე პირველად XI საუკუნეში იხსენიება. ეს სოფელი მოხსენიებულია ნაწარმოებებში: მატიანე ქართლისა, აღწერა სამეფოსა საქართველოსა - ვახუშტი ბაგრატიონი, ქართლ-კახეთის აღწერა - იოანე ბაგრატიონი, ასევე სხვადასხვა ისტორიულ საბუთებში. ხოვლეში ერთმანეთს შეხვდნენ მეფე ბაგრატ IV და კლდეკარის ერისთავი ლიპარიტ ბაღვაში. XIII ს-ის პირველ ნახევარში სოფელი მეჭურჭლეთუხუცესმა კახა თორელმა შეისყიდა და რკონის მონასტერს შესწირა. გვიან შუა საუკუნეებში ხოვლე ჯავახიშვილების საკუთრება იყო. სოფელში შემორჩენილი ყორღანები, ნასახლარები, შუასაუკუნეების ტაძრები თუ საერო ნაგებობები გვიჩვენებს, რომ სოფლის ტერიტორია ძველთაგანვე განვითარებული ყოფილა.

თეგები: #სოფელი #ინფრასტრუქტურული ობიექტი #დასახლებული პუნქტი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ხოვლე

საშინელი!

ცუდი!

კარგი!

ძალიან კარგი!

შესანიშნავი!