ხოვლეს კვართის წმინდა გიორგის ეკლესია და სამრეკლო

კვართის წმინდა გიორგის ეკლესია მდებარეობს შიდა ქართლში, კასპის მუნიციპალიტეტის სოფელ ხოვლეში, მდინარე ხეხმელას დასავლეთით, სოფლის სასაფლაოზე, თარიღდება გვიანდელი ფეოდალური ხანით.

ეკლესია დარბაზულია (6,5 X 4,7 მ), ნაგებია ნატეხი ქვით. ეკლესიას შიგნიდან თაღოვანი და გარედან არქიტრავული ორი შესასვლელი აქვს - ერთი სამხრეთ კედლის დასავლეთ ნაწილში, მეორე - დასავლეთ კედელში (ამოშენებულია). ნახევარწრიული აფსიდის ღერძზე თაღოვანი სარკმელია, მის ორივე გვერდზე - სწორკუთხა ნიში. ასეთივე სარკმელია სამხრეთ და ჩრდილოეთ კედლების აღმოსავლეთ ნაწილში. დარბაზის დასავლეთ კედელში სარკმლის თაღი ებჯინება კამაროვან გადახურვას. გრძივ კედლებზე წყვილი პილასტრია.

ეკლესიასთან დგას კოშკი/სამრეკლო, რომელიც თავის დროზე კარიბჭის როლსაც ასრულებდა, ის ძლიერ დაზიანებული იყო და რამდენიმე წლის წინ იქნა აღდგენილი